కేజీఎఫ్ 2…7 రోజుల్లో 700 కోట్లు!

‘కేజీఎఫ్ 2’ భారీ అంచనాల మధ్య వరల్డ్ వైడ్‌గా రిలీజైన బాక్సాఫీస్‌ వద్ద రికార్డులు బద్దలు కొడుతోంది. డైరెక్టర్‌ ప్రశాంత్‌ నీల్‌ టేకింగ్‌కు, యశ్‌ యాక్టింగ్‌, యాక్షన్‌కు ఫిదా అవుతున్నారు. టాలీవుడ్‌,బాలీవుడే కాదు విడుదలైన ప్రతీ చోటా కేజీఎఫ్ 2 రికార్డులు తిరగరాస్తోంది.కేజీఎఫ్ తర్వాత చాలామంది యశ్ కి అభిమానులుగా మారిపోయారు.

ప్రపంచవ్యాప్తంగా 7 రోజుల్లో 700 కోట్లు రాబట్టగా తెలుగు రాష్ట్రాల్లో 61 కోట్ల షేర్‌ను సాధించింది. ఇక బాలీవుడ్‌లోనూ రూ. 300 కోట్లను రాబట్టింది. ఒక డబ్బింగ్ సినిమాకి ఈ స్థాయి వసూళ్లు దక్కడం విశేషం.

కేజీఎఫ్‌ 2 దెబ్బకి బాలీవుడే కాదు టాలీవుడ్, కోలీవుడ్ సినిమాలు వాయిదా వేసుకోవాల్సిన పరిస్థితి నెలకొంది. దీంతో మరికొన్ని రోజులు కేజీఎఫ్‌2 సునామీ కంటిన్యూ అయ్యేలా కనిపిస్తోంది.