రికార్డుల మోత మోగించిన యశ్‌!

కన్నడ రాకింగ్ స్టార్ యశ్ కథానాయకుడిగా నటించిన కేజీఎఫ్ చాప్టర్- 1 సంచలనాల గురించి తెలిసిందే. వరల్డ్ వైడ్ బాక్సాఫీస్ వద్ద అద్భుత‌ వసూళ్లు సాధించింది. ప్రశాంత్ నీల్ ఈ చిత్రానికి దర్శకత్వం వహించగా ఈ సినిమా సెకండ్ పార్టు కోసం అంతా ఆసక్తిగా ఎదురుచూస్తున్నారు. ఇక ఏప్రిల్ 14న సినిమా ప్రేక్షకుల ముందుకురానుండగా సినిమా ప్రమోషన్‌లో భాగంగా ట్రైలర్‌ని లాంఛ్ చేశారు.

ట్రైలర్ యూట్యూబ్‌ను షేక్ చేస్తూ రికార్డు స్థాయిలో వ్యూస్ దక్కించుకుంటోంది. ఇప్పటికే ఈ ట్రైలర్ అన్ని భాషల్లో కలిపి కేవలం 24 గంటల్లోనే 109+ మిలియన్ వ్యూస్ దక్కించుకుని ఇండియన్ సినిమా హిస్టరీలో సరికొత్త రికార్డును క్రియేట్ చేసింది. ఈ సినిమా ట్రైలర్‌కు కన్నడలో 18 మిలియన్, తెలుగులో 20 మిలియన్, హిందీలో 51 మిలియన్, తమిళంలో 12 మిలియన్, మలయాళంలో 8 మిలియన్ వ్యూస్ వచ్చినట్లు చిత్ర యూనిట్ పేర్కొంది.