యంగ్ టైగర్ ఎన్టీఆర్ నటిస్తున్న భారీ యాక్షన్ డ్రామా ‘దేవర’కు సీక్వెల్గా వస్తున్న చిత్రం ‘దేవర 2’. ఈ సినిమాకు సంబంధించి నిర్మాత మిక్కిలినేని సుధాకర్ కీలక అప్డేట్ ఇచ్చారు. అభిమానులు ఎంతో ఆసక్తిగా ఎదురుచూస్తున్న ఈ సినిమా షూటింగ్ మే నెలలో ప్రారంభం కానుందని ఆయన స్పష్టం చేశారు. ఇప్పటికే స్క్రిప్ట్ పనులు తుది దశకు చేరుకున్నాయని, ప్రీ-ప్రొడక్షన్ కార్యక్రమాలు వేగంగా సాగుతున్నాయని తెలిపారు.
‘దేవర’ మొదటి భాగానికి లభించిన స్పందన, ఎన్టీఆర్ పాత్రకు వచ్చిన క్రేజ్ దృష్ట్యా రెండో భాగాన్ని మరింత భారీ స్థాయిలో తెరకెక్కించనున్నట్లు నిర్మాత తెలిపారు. కథ, యాక్షన్ సన్నివేశాలు, విజువల్స్ అన్నీ మొదటి భాగాన్ని మించిపోయేలా ఉంటాయని అన్నారు. ముఖ్యంగా ఎన్టీఆర్ పాత్రలో వచ్చే ఎమోషనల్ డెప్త్, పవర్ఫుల్ ప్రెజెన్స్ ప్రేక్షకులను మరో స్థాయికి తీసుకెళ్తుందని చెప్పారు.
Also Read:VD14:రణబాలిగా విజయ్
ఇక ‘దేవర 2’ చిత్రాన్ని 2027లో విడుదల చేయాలని మేకర్స్ లక్ష్యంగా పెట్టుకున్నారని సుధాకర్ వెల్లడించారు. అంతర్జాతీయ ప్రమాణాలతో నిర్మాణం జరగనున్న ఈ సినిమాకు భారీ బడ్జెట్ కేటాయిస్తున్నామని తెలిపారు. దర్శకుడు కొరటాల శివ విజన్, ఎన్టీఆర్ స్టార్ పవర్ కలిసి ఈ చిత్రం పాన్ ఇండియా స్థాయిలో సంచలనం సృష్టిస్తుందనే నమ్మకం వ్యక్తం చేశారు.