ఎన్నికల ప్రచారంలో టీఆర్ఎస్ దూసుకుపోతున్నది. కుల సంఘాలతో ఆత్మీయ, ఆశీర్వాద సభల ద్వారా క్షేత్రస్ధాయిలో ప్రజలతో మంత్రులు భాగస్వాములవుతున్నారు. ప్రగతిని వివరిస్తూ అభ్యర్థులు ఇంటింటి ప్రచారం చేస్తుండగా, పల్లెలన్నీ వారికి బ్రహ్మరథం పడుతున్నాయి.
ఈ నెల 11 నుంచి నామినేషన్ల పర్వం కొనసాగనుండగా అదే రోజు టీఆర్ఎస్ అభ్యర్థులకు బీఫారాలు అందజేయనున్నారు సీఎం కేసీఆర్. ఈ నెల 11న సోమవారం సాయంత్రం 4 గంటలకు తెలంగాణ భవన్‌లో టీఆర్ఎస్ అభ్యర్థులతో కేసీఆర్ సమావేశం కానున్నారు. పార్టీ ప్రకటించిన 107 మంది అభ్యర్థులందరికి ఆహ్వానం పంపించారు. వారందరికి బీ ఫారమ్‌లు అందజేయనున్నారు. ఎన్నికల నోటిఫికేషన్ విడుదల కాబోతున్న సమావేశంలో పార్టీ అభ్యర్థులతో కేసీఆర్ నిర్వహించనున్న సమావేశం కీలకంగా మారింది.
ఇక ఆదివారం గజ్వెల్ కార్యకర్తలతో సీఎం సమావేశం కానున్నారు. ఎర్రవెల్లి వ్యవసాయక్షేత్రంలో మధ్యాహ్నం 12 గంటలకు సమావేశం ఉంటుంది. సమావేశంలో 15వేల మంది టీఆర్ఎస్ పార్టీ కార్యకర్తలు పాల్గొననున్నారు.
