కేశవ చంద్ర రామావత్ – కేసీఆర్ మూవీ ప్రీ రిలీజ్ ఈవెంట్ లో ముఖ్య అతిథిగా పాల్గొన్నారు మాజీ మంత్రి, ఎమ్మెల్యే హరీష్ రావు . అన్ని రాష్ట్రాలకు సీఎం ఉంటే, తెలంగాణకు మాత్రం రాష్ట్రాన్ని తెచ్చిన సీఎం కేసీఆర్ అన్నారు. అలాంటి గొప్ప వ్యక్తి పేరుతో, స్పూర్తితో వస్తున్న ఈ సినిమా సూపర్ హిట్ కావాలి అన్నారు.
ఎంతో కష్టపడి ఈ స్థాయికి వచ్చాడు రాకేష్. జబర్దస్త్ లో రాణించి, రాకింగ్ రాకేష్ గా ఎదిగారు..కేసీఆర్ పేరుతో సినిమా తీయడం గొప్ప విషయం అన్నారు.కేసీఆర్ అంటే ఒక చరిత్ర. తెలంగాణ రాష్ట్రం సాధించి, అద్భుతంగా అభివృద్ధి చేసిండు కేసీఆర్ అన్నారు. పల్లెలనే కాదు, పట్టణాలను అభివృద్ధి చేసిండు..హైదరాబాద్ అభివృద్ధిని చూసి రజినీ కాంత్ న్యూయార్క్ లో ఉన్ననా, ఇండియాలో ఉన్ననా అన్నడు అన్నారు.
భౌతికంగా మాత్రమే కాదు, రాష్ట్రాన్ని సామాజికంగా, సాంస్కృతికంగా అభివృద్ధి చేసిండు అన్నారు. తెలంగాణను దేశానికి దిక్సూచిగా చేసిండు కేసీఆర్…అధికారంలో ఉన్నపుడు సినిమాలు తీస్తారు. అధికారంలో లేకున్నా కేసీఆర్ అని సినిమా తీశాడన్నారు. దీనికి ఎంతో ధైర్యం, దమ్ము కావాలి. నిజమైన అభిమానానికి ఇది నిదర్శనం అన్నారు. అందరూ కేసీఆర్ సినిమా చూసి, రాకేష్ ను అభినందించాలని ఆకాంక్షిస్తున్నాను. సినిమా సూపర్ హిట్ కావాలని కోరుకుంటున్నాను అన్నారు.
Also Read:ఎన్ని కేసులు పెట్టినా భయపడం: వై.సతీష్ రెడ్డి
