మాజీ ముఖ్యమంత్రి వైఎస్ జగన్మోహన్రెడ్డి జన్మదినాన్ని పురస్కరించుకుని ఆంధ్రప్రదేశ్లోని తాడేపల్లిలో ప్రత్యేక ఏర్పాట్లు జరుగుతున్నాయి. ఈ సందర్భంగా జగన్ నివాసం సమీపంలో తెలంగాణ మాజీ సీఎం కేసీఆర్, బీఆర్ఎస్ వర్కింగ్ ప్రెసిడెంట్ కేటీఆర్ల భారీ కట్ఔట్లు ఏర్పాటు చేయడం రాజకీయ వర్గాల్లో ఆసక్తిని రేపుతోంది.
శేరిలింగంపల్లికి చెందిన రవీందర్ యాదవ్ ఈ కట్ఔట్లను ఏర్పాటు చేసినట్లు తెలుస్తోంది. జగన్ జన్మదిన వేడుకల్లో భాగంగా ఏర్పాటు చేసిన ఈ కట్ఔట్లలో జగన్తో పాటు కేసీఆర్, కేటీఆర్ చిత్రాలు దర్శనమివ్వనున్నాయి. ఈ పరిణామం రెండు రాష్ట్రాల రాజకీయాల్లో కొత్త చర్చలకు దారితీస్తోంది.
తెలంగాణ, ఆంధ్రప్రదేశ్ రాజకీయాల మధ్య సన్నిహితతను సూచించేలా ఈ కట్ఔట్లు ఉన్నాయని కొందరు వ్యాఖ్యానిస్తుండగా, మరికొందరు దీన్ని అభిమానుల వ్యక్తిగతంగానే చూస్తున్నారు. అయితే జగన్ జన్మదినం సందర్భంగా తెలంగాణ నాయకుల కట్ఔట్లు ఏర్పాటు కావడం గమనార్హమని రాజకీయ విశ్లేషకులు అభిప్రాయపడుతున్నారు.
Also Read:UAEలో కుండపోత వర్షాలు
జన్మదిన వేడుకల సందర్భంగా తాడేపల్లిలో అభిమానులు, పార్టీ శ్రేణులు పెద్ద ఎత్తున పాల్గొనే అవకాశం ఉందని సమాచారం. ఈ కార్యక్రమానికి సంబంధించి భద్రతా ఏర్పాట్లను పోలీసులు కట్టుదిట్టం చేశారు.