బింబిసార సినిమాతో ఓ సూప‌ర్ హిట్టు కొట్టాడు శ్రీ వశిష్ఠ. ఆ తర్వాత.. శ్రీ వశిష్ఠకి భారీ ఆఫ‌ర్లు వ‌చ్చాయి. మెగాస్టార్ చిరంజీవి కోసం శ్రీ వశిష్ఠ ప్రస్తుతం ఓ కథ పై క‌స‌ర‌త్తులు కూడా చేస్తున్నాడు అని టాక్ నడుస్తోంది. ఈలోగా.. గీతా ఆర్ట్స్ లో సినిమా చేయ‌డానికి సంత‌కాలు చేశాడు. గీతా – శ్రీ వశిష్ఠ కాంబో దాదాపు సెట్ట‌య్యింది. కానీ, హీరోనే ఫైనల్ కాలేదు. అలాగే సినిమా కూడా ఇప్పట్లో ఉండదు. భవిష్యత్తులో ఉంటుంది. ఐతే, తాజాగా శ్రీ వశిష్ఠ రెండో సినిమాకి సంబంధించి ఇప్పుడు మరో అప్ డేట్ వినిపిస్తోంది.
ఎట్టకేల‌కు శ్రీ వశిష్ఠ ఓ హీరోకి కథ చెప్పి, ఒప్పించిన‌ట్టు టాక్. ఆ హీరో ఎవ‌రో కాదు.. హీరో కార్తీ. తెలుగులో ఓ స్ట్ర‌యిట్ సినిమా చేయాల‌ని కార్తీ ఎప్ప‌టి నుంచో ప్ర‌యత్నిస్తున్నాడు. అందుకే శ్రీ వశిష్ఠతో ఓ సినిమా చేయాల‌న్న‌ది కార్తీ ఆలోచ‌న. ఆ మధ్య కార్తీ హీరోగా వచ్చిన ఖైదీ సినిమా పెద్ద విజ‌యాన్ని అందుకోవ‌డ‌మే కాకుండా.. కార్తీకు తెలుగులో ఓ మార్కెట్ ని సెట్ చేసింది.
Also Read: మళ్లీ పెళ్లి నుంచి ఉరిమే కాలమా పాట
అప్ప‌టి నుంచీ హీరో కార్తీ ఓ స్ట్ర‌యిట్ తెలుగు సినిమా చేస్తాన‌ని చెబుతూనే వ‌స్తున్నాడు. అప్ప‌టి ఆ ప్రాజెక్ట్ ఇప్పుడు ఇలా శ్రీ వశిష్ఠతో సెట్ట‌య్యింద‌న్న‌మాట. తెలుగు, త‌మిళ భాష‌ల్లో ఒకేసారి ఈ సినిమాని ప‌ట్టాలెక్కిస్తారు. త్వ‌ర‌లోనే ఈ కాంబోకి సంబంధించిన అధికారిక ప్ర‌క‌ట‌న వస్తోందని అంటున్నారు. మరి శ్రీ వశిష్ఠతో కార్తీ నిజంగానే సినిమా చేస్తాడో లేదో చూడాలి.
Also Read: పిక్ టాక్ : బౌండరీలు దాటిన భారీ బ్యూటీ
