మహేష్‌బాబు హీరోగా కొరటాల శివ దర్శకత్వంలో ఇటీవల విడుదలైన చిత్రం ‘భరత్ అనే నేను’. ఈ సినిమాలో కథనాయికగా తెలుగు తెరకు పరిచయమైంది కైరా అద్వానీ. టాలీవుడ్‌లో అడుగుపెట్టి సూపర్ స్టార్ మహేష్‌బాబు సరసన నటించే ఛాన్సు కొట్టేసింది. తెలుగు సినిమాలో నటించిన తొలి సినమాకే బంపర్ హిట్‌ను అందుకుంది కైరా. ఈ సినిమా విడుదలైన రెండు రోజులకే రూ.100 కోట్ల మార్కును దాటి రికార్డును నెలకోల్పోంది.
ఇక కథనాయిక కైరా గురించి చెప్పుకుంటే ఈ సినిమాతో తన అంద చందాలతో ప్రేక్షకులను ఆకట్టుకుందని చెప్పాలి. ఇక తన కుటుంబం గురించి చెప్పుకుంటే కైరా తాతయ్య హమీద్ జాఫ్రీ, అలనాటి నటుడు సయీద్ జాఫ్రికి స్వయంగా తమ్ముడు కాగా, చిన్న అమ్మమ్మ ప్రముఖ హిందీ నటుడు అశోక్ కుమార్ పెద్ద కుమార్తె. ఇంకా తన గురించి ఆసక్తికరమైన విషయాలు చెబుతూ… నా అస్సలు పేరు కాదు ఆలియా అద్వానీ. నా తొలి సినిమా ‘పుగ్లీ’ షూటింగ్ సమయంలో దాని నిర్మాత సల్మాన్ ఖాన్, పేరును కైరాగా మార్చాడని తెలిపింది.
నేను 9 నెలల వయస్సులో ఉన్నప్పుడే కెమెరా దగ్గరయ్యానని విప్రో వ్యాపార ప్రకటనలో నటించే అవకాశమొచ్చిందని చెప్పింది. అందుకు నాకు కెమెరా అంటే అంతగా భయం అనేది లేదని దాంతో పాటు నాకు ఎక్సర్‌సైజ్ అంటే ప్రాణమని అన్నారు. ముఖ్యంగా నేను తెలుగులో మహేష్ బాబు సరసన నటించే అవకాశం రాడం నమ్మలేకపోతున్నానని తెలిపింది ఈ ముంబయి ముద్దుగుమ్మ.
