స్టార్ హీరో దుల్కర్ సల్మాన్ – మృణాల్ ఠాకూర్ జంటగా, రష్మిక మందన కీలక పాత్రలో వైజయంతీ మూవీస్ సమర్పణలో స్వప్న సినిమా పతాకంపై స్టార్ ప్రొడ్యూసర్ అశ్వినీదత్ నిర్మించిన ప్రతిష్టాత్మక ఈ చిత్రం ఆగ‌స్టు 5న విడుద‌లై ఘ‌న విజ‌యం సాధించింది. హను రాఘవపూడి దర్శకత్వం వహించిన ఈ సినిమా బాక్సాఫీస్‌ను షేక్ చేసి 80కోట్లకు పైగా వసూళ్లను రాబట్టింది.
తాజాగా బాలీవుడ్ ఫైర్ బ్రాండ్ కంగనా రనౌత్ కూడా సీతా రామం చిత్రాన్ని చూసింది. ఈ సినిమాపై తన కామెంట్స్‌ను సోషల్ మీడియాలో పోస్ట్ చేయగా వైరల్‌గా మారింది.
సీతా రామం చిత్రం అద్భుతంగా ఉందని.. ఈ సినిమాకు దర్శకత్వం, స్క్రీన్ ప్లే అత్యద్భుతంగా కుదిరాయని పేర్కొంది. ఇక హీరోయిన్ మృణాల్ ఠాకూర్‌ను కంగనా ఆకాశానికెత్తింది. సీతా మహాలక్ష్మీ పాత్రలో, ప్రిన్సెస్ నూర్‌జహాన్ పాత్రలో మృణాల్ పర్ఫార్మెన్స్ ఔట్‌స్టాండింగ్‌గా ఉందని కంగనా కితాబిచ్చింది. ఈ ఎపిక్ లవ్ స్టోరీని ఎట్టకేలకు వీక్షించే సమయం తనకు దొరికిందని.. ఈ సినిమాకు హను రాఘవపూడి డైరెక్షన్ అమోఘంగా ఉందని కంగనా పేర్కొంది.
