రూ.400 కోట్ల క్లబ్‌లో విక్రమ్!

లోకేశ్‌ కనగరాజ్ దర్శకత్వంలో కమల్‌ హాసన్, విజయ్‌ సేతుపతి, ఫహాద్‌ ఫాజిల్‌ ప్రధాన పాత్రల్లో నటించిన తమిళ చిత్రం ‘విక్రమ్‌’. జూన్‌ 3న థియేటర్లలో రిలీజైన ఈ మూవీకి జనం బ్రహ్మరథం పట్టారు.విమర్శకుల ప్రశంసలు అందుకున్న ఈ చిత్రం బాక్సాఫీస్‌ని షేక్ చేసింది.

రిలీజైన నెల రోజుల్లోపే రూ.400 కోట్ల వసూళ్లు సాధించింది. రోబో 2.0 తర్వాత ప్రపంచవ్యాప్తంగా రూ.400 కోట్లు వసూలు చేసిన రెండో తమిళ చిత్రంగా విక్రమ్‌ రికార్డు సృష్టించింది. ఈ సినిమా సక్సెస్‌ సాధించిన సంతోషంలో చిత్రాన్ని డిస్ట్రిబ్యూట్‌ చేసిన వారికి, థియేటర్‌ యజమానులకు ఇటీవల స్పెషల్ పార్టీ ఇచ్చింది మూవీ యూనిట్.

కమల్‌ హాసన్‌ అయితే ఏకంగా 13 మంది అసిస్టెంట్‌ డైరెక్టర్లకు బైకులు, రోలెక్స్‌ పాత్రలో నటించిన సూర్యకు ఖరీదైన రోలెక్స్‌ వాచ్‌, డైరెక్టర్‌ శోకేశ్‌ కగనరాజుకు కోటి విలువ చేసే లగ్జరీ కారు బహుమతిగా ఇచ్చారు.