క్రియేటివ్ దర్శకుడు శంకర్-కమల్ హాసన్ కాంబినేషన్‌లో తెరకెక్కిన చిత్రం భారతీయుడు.2 దశాబ్ధాల క్రితం విలక్షణ నటుడు కమలహాసన్ నటించిన ‘భారతీయుడు’ సినిమా అప్పట్లో ఓ పెను సంచలనం సృష్టించింది. తాజాగా ఈ సినిమాకు సీక్వెల్‌ తెరకెక్కనుండగా మరోసారి వీరి కాంబినేషన్‌లో ఈ మూవీ ప్రేక్షకుల ముందుకురానుంది.
కమల్‌కు జోడిగా కాజల్ అగర్వాల్ హీరోయిన్‌గా నటిస్తుండగా మూడు భాషల్లో దిల్ రాజు నిర్మించనున్నారు. శంకర్ ‘2.ఓ’కు సంబంధించిన పనులను పూర్తి చేయగా…. ‘ఇండియన్‌2’కు సంబంధించిన పూజాకార్యక్రమాలు నిర్వహించారు. ఈ సినిమాలోని నటీనటులు, ఇతర సాంకేతిక నిపుణులకు సంబంధించిన విషయాలను త్వరలోనే చిత్రయూనిట్‌
ప్రకటించనున్నట్లు సమాచారం.
అవినీతి, అక్రమాలని అరికట్టడంలో ‘భారతీయుడు’ చూపించిన తెగువ అందరి మనసుల్లో బలంగా నాటుకుపోయింది. అంతకుముందు అవినీతి అరికట్టడంపై వివిధ భాషల్లో ఎన్నోసినిమాలు వచ్చాయి కానీ అవేవీ భారతీయుడు సినిమాలా ఆకట్టుకోలేకపోయాయి. ఈ నేపథ్యంలో శంకర్-కమల్ కాంబినేషన్‌లో తెరకెక్కనున్న ఈ సినిమాపై భారీ అంచనాలు నెలకొన్నాయి.
Set work for #Indian2 started..
— Ramesh Bala (@rameshlaus) November 12, 2018
