టాలీవుడ్‌లో మాస్‌,క్లాస్‌, ఫ్యామిలీ ఎంటర్‌టైన్మెంట్స్‌ సినిమాలతో పాటు లేడీ ఓరియెంటెడ్ సినిమాలు కొత్తేమీ కాదు. కేవలం గ్లామర్‌ రోల్స్‌ లోనే కాదు..లేడీ ఓరియెంటెడ్ సినిమాలలో కూడా అదరగొట్టెయ్యగలరు టాలీవుడ్‌ హీరోయిన్స్‌. అయితే ఒకప్పుడు లేడీ ఓరియెంటెడ్ మూవీస్ అంటే గుర్తొచ్చేది కేవలం విజయశాంతి మాత్రమే. కానీ అలాంటి సినిమాలతో కూడా తమ సత్తాటుకునేందుకు ఇప్పటి హీరోయిన్లు గ్రీన్‌ సిగ్నల్‌ ఇవ్వడానికి రెడీగా ఉన్నారు.
కానీ హీరో లేకుండా సినిమా తీయడమనేది కాస్త రిస్క్‌ తో కూడుకున్నపనే. అసలు సినిమాలను నిర్మించేదే ఒక రకంగా చెప్పాలంటే వసూళ్ళు కూడా రాబట్టుకొవడానికే. అయితే ఈ జనరేషన్ లో లేడీ ఓరియెంటెడ్ సినిమాలకి నయనతార, అనూష్క పెట్టింది పేరు అని ప్రత్యేకంగా చెప్పనవసరం లేదు. టాలీవుడ్‌ భామలు కూడా లేడీ ఓరియెంటెడ్ సినిమాలకు తగిన న్యాయం చెయ్యగలరని అనుష్క చేసిన సినిమాలే నిదర్శనం. అలాగే నయనతార కూడా అలాంటి సినిమాలలో మెప్పించగలిగింది. తాజాగా ఇదే జాబితాలోకి కాజల్ కూడా చేరనుంది.
ప్రస్తుతం కాజల్ తమిళ్ లో అజిత్ సినిమాలో, అలానే విజయ్ సరసన ఓ సినిమాలో నటిస్తూ బిజీగా ఉంది. అయితే డీకే దర్శకత్వంలో తెరకెక్కనున్న ఓ లేడీ ఓరియెంటెడ్ మూవీలో నటించేందుకు కాజల్ ఓకే చెప్పిందని కోలీవుడ్ సమాచారం. కాగా ఈ రెండు సినిమాలతో పాటే ఈ లేడీ ఓరియెంటెడ్ మూవీని కూడా పట్టాలెక్కించే ఆలోచనలో కాజల్ ఉందని తెలుస్తోంది. మరి కాజల్ కూడా అనూష్క, నయనతార రేంజ్ ని అందుకుంటుందో లేదో చూడాలి. మొత్తానికి గ్లామర్‌ రోల్స్‌ లో, ఐటెం సాంగ్ లో మెప్పించింన ఈ అమ్మడు చివరికి లేడీ ఓరియెంటెడ్ సినిమాకి కూడా సై అందన్నమాట..!
