విద్యార్థుల నిరసనకు జ్యోతిక మద్దతు!

NEET (UG) పరీక్షల అక్రమాలు, ప్రశ్నపత్రాల లీకేజీ వ్యవహారంపై దేశవ్యాప్తంగా నిరసన జ్వాలలు ఎగిసిపడుతున్నాయి. న్యూఢిల్లీలోని జంతర్ మంతర్ వద్ద కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలంటూ విద్యార్థులు చేపడుతున్న ఆందోళనకు ప్రముఖ సినీ నటి జ్యోతిక తన పూర్తి మద్దతును ప్రకటించారు.

లక్షలాది మంది విద్యార్థుల భవిష్యత్తు, శ్రమతో ముడిపడి ఉన్న ఈ అంశంపై విద్యార్థులు చేస్తున్న పోరాటానికి పలు రంగాల నుంచి మద్దతు లభిస్తుండగా, తాజాగా జ్యోతిక స్పందించడం ప్రాధాన్యత సంతరించుకుంది.

విద్యార్థులు పడుతున్న వేదనపై స్పందించిన జ్యోతిక…ఒక తల్లిగా మరియు పౌరురాలిగా వారి పోరాటంలో న్యాయం ఉందని అభిప్రాయపడ్డారు. రాత్రింబవళ్లు కష్టపడి చదివే విద్యార్థులకు పేపర్ లీక్‌ల వల్ల తీవ్ర అన్యాయం జరుగుతోందని, బాధ్యులపై కఠిన చర్యలు తీసుకోవడంతో పాటు ఈ అక్రమాలకు నైతిక బాధ్యత వహిస్తూ సంబంధిత మంత్రిత్వ శాఖ సమాధానం చెప్పాలని ఆమె డిమాండ్ చేశారు.

గత కొన్ని రోజులుగా జంతర్ మంతర్ వద్ద కాక్రోచ్ జనతా పార్టీ (CJP) మరియు పలు విద్యార్థి సంఘాలు సంయుక్తంగా ఈ నిరసనలను కొనసాగిస్తున్నాయి. విద్యాశాఖ మంత్రి వెంటనే తన పదవికి రాజీనామా చేయాలని, ప్రవేశ పరీక్షల నిర్వహణ వ్యవస్థలో పారదర్శకత తేవలసిందేనని విద్యార్థులు పట్టుబడుతున్నారు.

Also Read:CJP ఎఫెక్ట్..18 మెట్రో స్టేషన్లు క్లోజ్!