దేశంలో నక్సల్స్ ప్రభావం పెరిగిన నేపథ్యంలో రాష్ట్ర పోలీసులకు మరింత మెరుగైన శిక్షణ నైపుణ్యం కలిగిన ఆఫీసర్లను తయారుచేసుకొని నక్సల్స్‌ను ఏరివేత కార్యక్రమం మొదలుపెట్టింది అప్పటి ఉమ్మడి ఆంధ్రప్రదేశ్ ప్రభుత్వం. దీనికి అనుగుణంగా రాష్ట్రంలో గ్రేహౌండ్స్‌ దళాన్ని ఏర్పాటు చేశారు. అయితే అందరికీ గ్రేహౌండ్స్‌ అంటే కేఎస్‌ వ్యాస్‌ గుర్తుకు వస్తారు. కానీ ఎన్ఎస్ భాటి అనే వ్యక్తి గురించి పోలీసులకు తప్ప బయటి వారికి అంతగా తెలియదు. కానీ పోలీసులను యుద్ధ నిపుణులుగా తయారుచేసిన గొప్ప శిక్షకుడు.
ఎస్‌ఎస్‌బీలో డీఐజీగా పదవీవిరమణ చేసిన తర్వాత ఎన్టీఆర్ ప్రభుత్వంలో వ్యాస్‌ సర్‌ అభ్యర్థన మేరకు ఆంధ్రప్రదేశ్ వచ్చి గ్రేహౌండ్స్‌ స్థాపించినప్పుడుదానిలో పోలీసులకు శిక్షణ ఇవ్వడం ప్రారంభించారు. గెరిల్లా యుద్ధతంత్రాలు ఈయన నుండే నేర్చుకున్నారు. దట్టమైన అడవుల్లో నదీతీరాల్లో కొండల్లో కోనల్లో ఎండకు వానకు చలికి ఏలాంటి విపత్కర పరిస్థితుల్లో అయిన పోరాడే విధంగా యుద్ధతంత్రాలన్నింటినీ మన పోలీసులకు బోధించి ఒక్కొక్క పోలీసును తుపాకీ తూటాల్లా తయారు చేసిన వ్యక్తి ఎన్ఎస్ భాటి(నారయణ్‌ సింగ్‌ భాటి).
Also Read: IMD:ముంచుకొస్తున్న బిపోర్‌జాయ్‌
అడవుల్లో వేసుకునే దుస్తులు తినే ఆహారరీతులతో పోలీసు ఎలా బతకాలనే అంశాల నుండి తూటాలు పక్క నుండి పోతున్నా…వాటి నుండి తప్పించుకుంటూ శత్రువులను ఎలా చీల్చి చెండాలనే నైపుణ్యాల వరకుప్రతి పోలీసుకు నేర్పించి వారిని మెరికల్లా తయారుచేసిన గురువు ఎన్ఎస్ భాటి. కాగా నేడు భాటి వర్థంతి. ఈమేరకు తెలంగాణ డీజీపీ ట్విట్టర్ వేదికగా ఘన నివాళులర్పించారు. ఆయన సేవలను గుర్తు చేసుకున్నారు. ఆయన ఆత్మకు శాంతి చేకూరాలని ప్రార్థించారు. ఈయుద్ధ నిపుణుడికి భారత ప్రభుత్వం పద్మశ్రీ ఇచ్చింది. ఈయన్న 94వ ఏటా పరమదించారు.
Also Read: Whatsapp:స్క్రీన్ షేరింగ్ ఫీచర్
A legend Sri Bhatti has gone. No amount of words can express the totality of his contribution to India and survival of Democracy.I was Assault Commander Greyhounds, Squadron Commander and later Chief of Greyhounds and have seen his undiminished passion for training and innovation pic.twitter.com/AL1n9YywxU
— DGP TELANGANA POLICE (@TelanganaDGP) June 13, 2023
