జనతా గ్యారేజ్,జై లవకుశ సక్సెస్‌లో మంచి జోష్‌మీదున్న ఎన్టీఆర్ ప్రస్తుతం త్రివిక్రమ్ దర్శకత్వంలో సినిమా చేస్తున్న సంగతి తెలిసిందే. ఇటీవలె ప్రారంభమైన ఈ సినిమా త్వరలోనే సెట్స్‌ పైకి వెళ్లనుండగా ఇంకా టైటిల్ ఖరారు కాలేదు. ఈ సినిమాలో తారక్ కొత్త లుక్‌లో కనిపించనున్నాడు. ఇందుకోసం ప్రత్యేకంగా వర్క్‌ అవుట్ చేస్తున్నాడు ఎన్టీఆర్.
ప్రముఖ హాలీవుడ్‌ ఫిట్‌నెస్‌ ట్రైనర్‌ లాయిడ్ స్టీవెన్స్‌ ఆధ్వర్యంలో తారక్..జిమ్‌లో కష్టపడుతుండగా ఆ ఫోటోను లాయిడ్ ట్విట్టర్‌లో షేర్ చేశారు. కాళ్లతో కసరత్తులు చేస్తూ నొప్పి తట్టుకోలేక అరుస్తున్నట్లుగా తారక్ కనిపిస్తుండగా లాయిడ్ ఆయనకు సాయ పడుతున్నారు. అంతేగాదు ఈ ఫోటోకు క్యాప్షన్‌ కూడా ఇచ్చారు. ట్రెయినర్‌, క్లైంట్‌కి కఠినమైన ఫలితాలు కావాలనుకున్నప్పుడు. అని ఈ ఫొటోకు క్యాప్షన్‌ ఇచ్చారు.
ఎన్టీఆర్ డెడికేష‌న్ చూసిన ఫ్యాన్స్, సెల‌బ్రిటీస్ ఆయ‌న‌పై ప్ర‌శంస‌ల వ‌ర్షం కురిపిస్తున్నారు. హారిక అండ్ హాసిని క్రియేష‌న్స్ బేన‌ర్‌పై భారీ బ‌డ్జెట్‌తో తెర‌కెక్క‌నున్న ఈ చిత్రంలో పూజా హెగ్డే హీరోయిన్‌గా నటించనున్నట్లు సమాచారం. ఈ సినిమాతో పాటు రాజ‌మౌళి తెర‌కెక్కించ‌నున్న మ‌ల్టీ స్టార‌ర్‌లోను న‌టించ‌నున్నాడు. రామ్‌ చరణ్‌తో కలిసి ఎన్టీఆర్ చేయనున్న ఈ మూవీపై భారీ అంచనాలు నెలకొన్నాయి. దీంతో పాటే రేపటి నుంచి ప్రారంభం కానున్న ఐపీఎల్ మ్యాచ్‌ల తెలుగు ప్రచార కర్తగా వ్యవహరిస్తున్న జూనియర్ ఎన్టీఆర్ వ్యవహరిస్తున్న సంగతి తెలిసిందే.
