‘గొర్రె ఎంత పెరిగినా తోక బెత్తెడే’ అన్నట్టు ఉంది జాన్వీ కపూర్ పరిస్థితి. అతిలోకసుందరి అందాల తనయగా ఎంట్రీ ఇచ్చింది. మొదటి సినిమా నుంచే టాప్ పొజిషన్ పై దృష్టి పెట్టి ఆ దిశగా అడుగులు వేసింది. కానీ, జాన్వీ కపూర్ కి సోలో గా స్టార్ డమ్ వచ్చేలా కనిపించడం లేదు. ఎంట్రీలోనే లక్కీ హీరోయిన్ అనిపించుకుంది. కాకపోతే, ఆ లక్ ఆ తర్వాత కొనసాగలేదు. ‘ఘోస్ట్ స్టోరీస్’, ‘అంగ్రేజీ మీడియం’ సినిమాల దెబ్బకు జాన్వీ కపూర్ కెరీర్ డిజాస్టర్ ట్రాక్ ఎక్కింది. నిజానికి జాన్వీ కపూర్ మొదటి సినిమా ధడక్ చూసి అతి త్వరలోనే టాప్ హీరోయిన్ గా ఇతర హీరోయిన్లకు గట్టి పోటీ ఇస్తుందని హిందీ సినీ విశ్లేషకులు భావించారు.
ఐతే, జాన్వీ కపూర్ నుంచి ఆ తర్వాత వచ్చిన ‘గుంజన్ సక్సేనా ది కార్లిల్ గర్ల్’, ‘రూహి’ సినిమాలు కూడా ప్లాప్ అయ్యాయి. వీటిల్లో ఒకటి పెద్దహిట్టయినా… కచ్చితంగా జాన్వీ కపూర్.. కియారా అద్వానీ, దీపికా పడుకోణె లాంటి హీరోయిన్లకు నిద్రపట్టకుండా చేసేది. కానీ, ఆ సినిమాలు బాక్సాఫీస్ వద్ద దారుణంగా ప్లాప్ అయ్యాయి. గడ్డివామిలో సూది వెదికినట్లు.. ఆ సినిమాల థియేటర్స్ లో జనాన్ని వెతుక్కోవాల్సి వచ్చింది. దీనికితోడు జాన్వీ ఆ తర్వాత చేసిన ‘గుడ్ లక్ జెర్రీ’ కూడా డిజాస్టర్ అయింది. దాంతో జాన్వీ కపూర్ కి స్టార్ హీరోల సినిమాల్లో ఛాన్స్ లు రావడం తగ్గిపోయాయి. పైగా జాన్వీ కపూర్ ను ఇంకా చిన్న హీరోల సరసన నటించే చిన్న హీరోయిన్ గానే చూస్తున్నారు.
దాంతో, ఆమెకి మీడియం రేంజ్ హీరోల సినిమాలు కూడా రావడం లేదు. వచ్చినా సెకండ్ హీరోయిన్ గానే పరిమితం అవుతుంది. అందుకే, ఈ మధ్య జాన్వీ కపూర్ అందాల ఆరబోతలో పరిధి దాటుతుంది. స్టార్ హీరోల సినిమాల్లో అవకాశాల కోసమే జాన్వీ కపూర్ గ్లామర్ షో డోసేజ్ పెంచింది. వరుస హాట్ ఫోటోషూట్ లతో జాన్వీ పాప మొత్తానికి నెటిజన్లకు కిరాక్ పుట్టిస్తోంది. కానీ, ఏం లాభం ?, జాన్వీ కపూర్ కి బాలీవుడ్ లో నిరాశే ఎదురవుతోంది. అందుకే, టాలీవుడ్ పై ఫోకస్ పెట్టింది. ఎన్టీఆర్ ఛాన్స్ ఇచ్చాడని టాక్ ఉంది. మరి మిగిలిన స్టార్ హీరోల సినిమాల మాటేమిటి ?, వారి నుంచి జాన్వీ పాపకు ఎప్పుడు పిలుపు వస్తోంది !!
ఇవి కూడా చదవండి..
