వరుస దొంగతనాలు..నిందితుడి అరెస్ట్

సంక్రాంతి పండుగ సెలవులకు ఊరు వెళ్లిన వారి ఇళ్లలో వరుస దొంగతనాలకు పాల్పడుతున్న నిందితులను అరెస్టు చేశారు జగద్గిరిగుట్ట పోలీసులు. గత 15రోజులుగా మూడు పోలీస్ స్టేషన్ల(జగద్గిరిగుట్ట,కెపిఎచ్ బి,దుందిగల్,) పరిధి లో దొంగ తనాలు చేస్తూ 5 కేసుల్లో నిందుతులు గా పరారీలో ఉన్నారు.

జగద్గిరి గుట్ట క్రైమ్ టీమ్ ఎసై కిష్టయ్య ఆధ్వర్యంలో చేపట్టిన ఆపరేషన్ లో నిందితులను గుర్తించి 20 కేసుల్లో ముద్దాయి గా ఉన్న దేరంగుల రవి(20) అనే నిందితున్ని అరెస్ట్ చేశామన్నారు. వారి వద్ద నుండి 75 తులాల వెండి,11తులాల బంగారం స్వాధీనం చేసుకున్నారు. పరారీలో ఉన్న భరత్, హరి అనే నిందుతుల కోసం గాలింపు ముమ్మరం చేశామని, వీరి పై పిడి యాక్ట్ పెడతామని బాల నగర్ ఏసీపీ పురుషోత్తం యాదవ్ తెలిపారు.