శ‌ర్వానంద్‌, స‌మంత హీరో హీరోయిన్లుగా న‌టిస్తోన్న చిత్రం `జాను`. ప్ర‌ముఖ నిర్మాణ సంస్థ శ్రీ వెకంటేశ్వ‌ర క్రియేష‌న్స్ బ్యాన‌ర్‌పై సి.ప్రేమ్ కుమార్ ద‌ర్శ‌క‌త్వంలో దిల్‌రాజు, శిరీష్ ఈ చిత్రాన్ని నిర్మిస్తున్నారు. ఇప్ప‌టికే షూటింగ్ పూర్తి చేసుకున్న ఈ చిత్రం నిర్మాణానంత‌ర కార్య‌క్ర‌మాల‌ను జ‌రుపుకుంటోంది. అన్ని కార్య‌క్ర‌మాల‌ను పూర్తి చేసి సినిమాను ఫిబ్ర‌వ‌రి 7న విడుదల చేస్తున్నారు. రీసెంట్‌గా విడుద‌లైన టీజ‌ర్‌కు అమేజింగ్ రెస్పాన్స్ వ‌చ్చింది. తాజాగా ఈ సినిమా ట్రైలర్‌ను విడుదల చేశారు చిత్ర బృందం.
ట్రైలర్ విషయానికొస్తే.. నా కోసం ఓ చూపు అప్పుగా ఇవ్వలేవా.. నీ ఓర చూపు కోసం, నీతో ఒక నవ్వు కోసం, రాత్రంతా చుక్కలు లెక్కబెడుతోంది నా హృదయం అంటూ శర్వా కవితాత్మక డైలాగులతో ట్రైలర్ ప్రారంభం అవుతుంది. మొతంగా ట్రైలర్ చూస్తే యూత్ కు ఓ పండుగలాంటి సినిమా అని అర్థమవుతోంది. తమిళ చిత్రం ’96’కి రీమేక్‌గా తెరకెక్కుతున్న ‘జాను’ ఈ చిత్రానికి గోవింద్ వసంత్ సంగీతం అందిస్తున్నాడు.
