సుక్కు ‘ కే‌జి‌ఎఫ్ ‘ ను ఫాలో అవుతున్నారా?

క్రియేటివ్ దర్శకుడు సుకుమార్ ప్రస్తుతం ఐకాన్ స్టార్ అల్లు అర్జున్ తో ” పుష్ప ది రూల్ ” మూవీ చేస్తున్న సంగతి తెలిసిందే. పుష్ప పార్ట్ 1 కు కొనసాగింపుగా రూపొందుతున్న ఈ మూవీపై పాన్ ఇండియా స్థాయిలో భారీ అంచనాలు నెలకొన్నాయి. ఎందుకంటే 2021లో వచ్చిన పుష్ప సంచలన విజయాన్ని అందుకొని కలెక్షన్ల వర్షం కురిపించింది. ముఖ్యంగా నార్త్ లో పుష్పరాజ్ చేసిన రచ్చ అంతా ఇంతా కాదు. దాంతో పార్ట్ 2 కోసం ఆతురతగా ఎదురు చూస్తున్నారు ఇండియన్ సినీ అభిమానులు. ఇక పుష్ప పార్ట్ 2 ను ఈ ఏడాది ఆగష్టు 15న విడుదల చేయబోతున్నారు. ఇకపోతే పుష్ప సిరీస్ కు సంబంధించి మరో ఇంట్రెస్టింగ్ రూమర్ ఫిల్మ్ సర్కిల్స్ లో తెగ చక్కర్లు కొడుతోంది. అదేమిటంటే పుష్ప 2 కు కొనసాగింపుగా పుష్ప పార్ట్ 3 కూడా డైరెక్టర్ సుకుమార్ ప్లాన్ చేస్తున్నాడట.

‘ పుష్ప ది రోర్ ‘ పేరుతో మూవీ ఉండనున్నట్లు ఇండస్ట్రీ వర్గాల్లో గుసగుసలు వినిపిస్తున్నాయి. దీంతో సుకుమార్ ” కే‌జి‌ఎఫ్ సిరీస్ ” ను ఫాలో అవుతున్నాడా అని సందేహిస్తున్నారు కొందరు. నిజానికి పుష్ప రిలీజ్ అయినప్పుడు కూడా కే‌జి‌ఎఫ్ ను పోలి ఉందనే రూమర్స్ గట్టిగానే వినిపించాయి. దానికి తోడు కే‌జి‌ఎఫ్ మాదిరి పుష్ప కూడా రెండు భాగాలుగా రావడంతో కే‌జి‌ఎఫ్ టెంప్లెట్ ను సుకుమార్ ఫాలో అవుతున్నాడని బలంగానే వార్తలు వినిపించాయి. ఇక కే‌జి‌ఎఫ్ సిరీస్ లో కూడా ‘ కే‌జి‌ఎఫ్ పార్ట్ 3 ‘ వచ్చే అవకాశం ఉండడంతో ఇప్పుడు పుష్ప పార్ట్ 3 కి కూడా సుకుమార్ ప్లాన్ చేస్తున్నట్లు వినికిడి. అయితే పుష్ప పార్ట్ 3 కి సంబంధించి చిత్ర యూనిట్ ఎలాంటి అధికారిక క్లారిటీ ఇవ్వలేదు. దీంతో వైరల్ అవుతున్న ఈ రూమర్స్ కేవలం రూమర్ గానే మిగిలిపోతుందా ? లేదా అందరికీ షాక్ ఇస్తూ సుకుమార్ పుష్ప పార్ట్ 3 కూడా నిజంగానే ప్లాన్ చేస్తాడా అనేది చూడాలి.

Also Read:Rajini:లాల్ సలామ్‌ ట్రైలర్