భారతదేశంలో ఆహార అలవాట్లు మరియు ఆరోగ్య సమస్యలపై నిపుణులు తరచూ చర్చించే ఒక ప్రధానమైన అంశం.మన రోజువారీ ఆహారంలో అధికంగా తీసుకునే కొవ్వు , చక్కెర , మరియు ఉప్పు వీటి ప్రభావంపై ఇటీవల ఆసక్తికర విశ్లేషణ జరిగింది.
చక్కెర..మనం తినే ప్రాసెస్ చేసిన ఆహారాలు, ప్యాకేజ్డ్ జ్యూస్లు మరియు తినుబండారాల్లో దాగి ఉన్న చక్కెర అత్యంత ప్రమాదకరంగా మారుతోంది.అధిక చక్కెర వినియోగం వల్ల బరువు పెరగడం మాత్రమే కాకుండా, టైప్-2 మధుమేహం , కాలేయంలో కొవ్వు చేరడం మరియు గుండె సంబంధిత వ్యాధుల ప్రమాదం పెరుగుతోంది. ప్రపంచ ఆరోగ్య సంస్థ (WHO) నిర్దేశించిన నిబంధనల ప్రకారం రోజువారీ కేలరీలలో చక్కెర శాతం 5% కంటే తక్కువగా ఉండటం శ్రేయస్కరం.
ఉప్పు..భారతీయులు రోజువారీ ఆహారంలో తీసుకునే ఉప్పు పరిమాణం సాధారణ పరిమితి కంటే చాలా ఎక్కువగా ఉంటుందని ఆరోగ్య నిపుణులు హెచ్చరిస్తున్నారు.ఆహారంలో ఎక్కువ సోడియం (ఉప్పు) ఉండటం వల్ల రక్తపోటు పెరిగి, స్ట్రోక్(పక్షవాతం) మరియు గుండెపోటు వచ్చే అవకాశాలు పెరుగుతాయి.ప్రాసెస్ చేసిన ఆహారాలు, నిల్వ పచ్చళ్ళు మరియు స్నాక్స్ తగ్గించడం ద్వారా ఉప్పు వినియోగాన్ని అదుపులో ఉంచుకోవచ్చు.
కొవ్వు ..ఆహారంలో కొవ్వు పదార్ధాలు పూర్తిగా మానేయాల్సిన అవసరం లేదు. కానీ ‘మంచి కొవ్వులు’ మరియు ‘చెడు కొవ్వులు’ మధ్య తేడా తెలుసుకోవడం చాలా ముఖ్యం. వేయించిన పదార్థాలు, బేకరీ ఉత్పత్తుల్లో ఉండే ‘ట్రాన్స్ ఫ్యాట్స్’ వల్ల శరీరంలో చెడు కొలెస్ట్రాల్ (LDL) పెరిగి ధమనుల్లో అడ్డంకులు ఏర్పడతాయి.నట్స్, సీడ్స్, ఆలివ్ ఆయిల్ మరియు చేపల్లో లభించే మంచి కొవ్వులు గుండె ఆరోగ్యానికి దోహదపడతాయి.
Also Read:ఇమ్రాన్కు మద్దతుగా కమిన్స్
ప్యాక్ చేసిన ఆహారాలను కొనేటప్పుడు వాటి వెనుక ఉండే సోడియం, షుగర్ మరియు సాచురేటెడ్ ఫ్యాట్ శాతాలను గమనించడం.ప్రాసెస్ చేసిన తినుబండారాలకు దూరంగా ఉంటూ పండ్లు, కూరగాయలు మరియు తృణధాన్యాలను రోజువారీ ఆహారంలో భాగం చేసుకోవడం.ఉప్పు, చక్కెరలను వంటకాల్లో కొద్ది మొత్తంలో మాత్రమే ఉపయోగించడం అలవాటు చేసుకోవడం.