ఉక్రెయిన్ నుండి భారతీయుల తరలింపు కొనసాగుతూనే ఉంది. తాజాగా మరో 629 మంది భారతీయులను తీసుకువస్తున్న మూడు ఇండియన్‌ ఎయిర్ ఫోర్స్‌ (ఐఏఎఫ్‌) విమానాలు శనివారం ఉదయం హిండన్ ఎయిర్ బేస్‌లో దిగినట్లు వైమానిక దళం తెలిపింది. ఇప్పటి వరకు, భారత వైమానిక దళం (IAF) 2,056 మంది ప్రయాణీకులను తిరిగి తీసుకురావడానికి 10 విమానాలను నడిపింది.
అదే సమయంలో ఈ దేశాలకు 26 టన్నుల రిలీఫ్ లోడ్‌ను ఆపరేషన్ గంగాలో భాగంగా తీసుకువెళ్లింది అని ఐఏఎఫ్‌ ప్రకటనలో తెలిపింది. హిండన్ ఎయిర్ బేస్ నుండి శుక్రవారం బయలుదేరిన ఐఏఎఫ్‌ యొక్క మూడు C-17 హెవీ లిఫ్ట్ రవాణా విమానాలు శనివారం ఉదయం తిరిగి వచ్చినట్లు పేర్కొంది.
రష్యా సైనిక దాడి కారణంగా ఫిబ్రవరి 24 నుండి ఉక్రెయిన్ గగనతలం మూసివేయబడినందున, యుద్ధంతో దెబ్బతిన్న ఉక్రెయిన్ పొరుగు దేశాలైన రొమేనియా, హంగేరి, స్లోవేకియా మరియు పోలాండ్ నుండి భారతదేశం తన పౌరులను ఖాళీ చేయిస్తోంది.
