ఆసియా కప్ -2022లో భాగంగా హాంగ్‌కాంగ్‌పై భారత్ గెలుపొందింది. దుబాయ్ వేదికగా జరిగిన మ్యాచ్‌లో భారత్ 40 పరుగుల తేడాతో గెలుపొందింది. భారత్ విధించిన 193 పరుగుల లక్ష్య చేధనలో హాంగ్ కాంగ్ నిర్ణీత 20 ఓవర్లలో 5 వికెట్లు కొల్పోయి 152 పరుగులు చేసింది. హాంగ్ కాంగ్ బ్యాటర్లలో బాబర్ హయత్ (41), కించిత్ షా (30), జీషన్ అలీ (26 నాటౌట్) రాణించారు. జడేజా, చాహల్ కట్టుదిట్టంగా బైలింగ్ చేయడంతో హాంగ్ కాంగ్ లక్ష్యాన్ని చేధించలేకపోయింది.
ఇక అంతకముందు తొలుత బ్యాటింగ్ చేసిన భారత్ నిర్ణీత 20 ఓవర్లలో 2 వికెట్లు కొల్పోయి 192 పరుగులు చేసింది. సూర్యకుమార్ యాదవ్ (68 నాటౌట్), విరాట్ కోహ్లీ (59 నాటౌట్) రాణించడంతో భారత్ భారీ స్కోరు సాధించింది. 192 పరుగుల భారీ స్కోరు చేసింది. ముఖ్యంగా సూర్యకుమార్ ఆకాశమే హద్దుగా కేవలం 26 బంతుల్లో 6 ఫోర్లు, 6 సిక్సర్లలతో 68 పరుగులు చేసి ప్లేయర్ ఆఫ్‌ ద మ్యాచ్‌గా నిలిచాడు.
