కరోనా ఎఫెక్ట్..ఫ్యాన్స్‌కి నోఎంట్రీ..!

204
ind vs sa

ధర్మశాల వేదికగా భారత్, దక్షిణాఫ్రికా మధ్య జరగాల్సిన తొలి వన్డే మ్యాచ్ వర్షం కారణంగా రద్దయిన సంగతి తెలిసిందే. ఎడతెరపిలేకుండా కురిసిన వర్షం కారణంగా మ్యాచ్‌ని రద్దు చేస్తున్నట్లు ప్రకటించారు అంపైర్లు.

ఇక భారత్ – దక్షిణాఫ్రికా మధ్య వన్డే సిరీస్‌ సందర్భంగా బీసీసీఐ కీలక నిర్ణయం తీసుకుంది. కేంద్ర ప్రభుత్వ సూచనల మేరకు ఈ వన్డే సిరీస్‌కు ఫ్యాన్స్‌కు నో ఎంట్రీ అని తెలిపింది. కరోనా వైరస్ విజృంభిస్తున్న నేపథ్యంలో ప్రేక్షకుల్ని స్టేడియంలోకి అనుమతించబోమని..మూడో వన్డేకి కూడా ఇదే నిబంధన వర్తిస్తుందని తెలిపింది.

ఒక్క బీసీసీఐ(క్రికెట్‌)కే కాదు.. దేశంలోని అన్ని స్పోర్ట్స్ ఫెడరేషన్స్‌‌కి ఈ నిబంధన వర్తిస్తుందని కేంద్ర క్రీడల మంత్రిత్వ శాఖ స్పష్టం చేసింది. అయితే ఐపీఎల్ 2020 సీజన్‌ వరకూ ఈ నిబంధన కొనసాగుతుందా..? అనేదానిపై స్పష్టత రావడం లేదు. ప్రేక్షకుల్ని రానివ్వకపోయినా తాము మ్యాచ్‌లు ఆడేందుకు సిద్ధమని ఐపీఎల్ ఫ్రాంఛైజీలు ప్రకటించాయి.

మార్చి 29 నుంచి ఐపీఎల్ 2020 సీజన్ ప్రారంభంకానుండగా.. మే 24న ఫైనల్‌తో ఈ టోర్నీ ముగియనుంది. కరోనా వైరస్ వ్యాప్తిని అరికట్టేందుకు ఏప్రిల్ 15 వరకూ పర్యాటక వీసాల్ని కేంద్రప్రభుత్వం రద్దు చేయడంతో విదేశీ క్రికెటర్లు ఆడతారా లేదా అన్న సస్పెన్స్ కొనసాగుతోంది.