ఐపీఎల్లో కొందరు ఆటగాళ్లు తమ అద్భుత ప్రదర్శనతో ఆకట్టుకుంటున్నారు. కింగ్స్ ఎలెవన్ పంజాబ్ ఆటగాడు రాహుల్ సీజన్ ప్రారంభం నుంచే అద్భుతమైన ప్రదర్శనతో అందరి దృష్టిని ఆకర్శిస్తున్నాడు . తాజాగా మనోడి ఆటకు పాకిస్థాన్ యాంకర్ ఫిదా అయింది. కేఎల్ రాహుల్ ఆట చాలా గొప్పగా ఉంది అంటూ ట్వీట్ చేసింది. స్పోర్ట్స్ యాంకర్ అయిన ఈ అమ్మడుకి అక్కడి యూతోలో మంచి ఫాలోయింగ్ ఉంది.
రాజస్థాన్ రాయల్స్తో ఆదివారం జరిగిన మ్యాచ్లో రాహుల్ 57 బంతుల్లో 3 సిక్స్లు బాది 84 పరుగులు చేశాడు. ఆ మ్యాచ్లో రాజస్థాన్పై కింగ్స్ ఎలెవన్ పంజాబ్ 6 వికెట్ల తేడాతో విజయం సాధించిన సంగతి తెలిసిందే. అయితే ఒంటి చేత్తో మ్యాచ్ని గెలిపించిన రాహుల్ ఆట గురించి పాక్ యాంకర్ జైనబ్ ట్విట్టర్లో పోస్టు చేసింది. ‘కేఎల్ రాహుల్ టైమింగ్ అదిరింది. అత్యుత్తమ ప్రదర్శన కనబరుస్తున్నాడు. అతని ఆట చూడడం గొప్పగా ఉందంటూ’ ట్వీట్ చేసింది.
మళ్లీ మంగళవారం రాజస్థాన్తో జరిగిన మ్యాచ్లోనూ రాహుల్ ఒంటరి పోరాటం చేశాడు. 70 బంతుల్లో 95 పరుగులు చేసి నాటౌట్గా నిలిచాడు. కానీ ఈ మ్యాచ్లో 15 పరుగుల తేడాతో పంజాబ్ ఓటమి చవిచూసింది. ఈ సీజన్లో ఇప్పటి వరకు 10 మ్యాచులు ఆడిన రాహుల్ 4 ఆఫ్ సెంచరీలు నమోదు చేశాడు. మరోవైపు 14 బంతులలో అర్ధ సెంచరీ చేసి ఐపీఎల్లో ఫాస్టెస్ట్ ఆఫ్ సెంచరీ చేసిన క్రికెటర్గా నిలిచాడు.
