పశ్చిమాసియాలోనే అతిపెద్ద హోమ్ డెకార్ కంపెనీ ఐకియా స్టోర్స్‌ కర్ణాటకలో ప్రారంభంకానుంది. అరబ్ దేశాలను దాటి తొలిసారిగా తెలంగాణలో రిటైల్ ఫర్నీషింగ్ స్టోర్ను ప్రారంభించిన ఐకియా త్వరలో దేశ ఆర్థిక రాజధాని ముంబైలో రెండో స్టోర్‌ని ప్రారంభించనుంది.
తాజాగా భారత్‌లో తన మూడో స్టోర్ను అందుబాటులోకి తీసుకురానున్నట్లు తెలిపారు ఐకియా ప్రతినిధులు. రూ. 1,000 కోట్లతో ఈ స్టోర్ను ప్రారంభించనున్నామని దీనిద్వారా భారీగా ఉద్యోగాలు రానున్నాయని తెలిపారు. 2020లో బెంగళూరులో ఐకియా స్టోర్ ప్రారంభిస్తామని చెప్పారు.
ఈ స్టోర్‌లో 7,500 ఉత్పత్తులు అందుబాటులో ఉండనున్నాయి. దుబాయ్, అబుదాబి, షార్జా, రియాద్, మస్కట్, బర్వాలలో భారీస్థాయి స్టోర్స్‌ను నిర్వహిస్తున్నది. అరబ్ దేశాలను దాటి తొలిసారిగా భారత్‌లో ఐకియా భారీ స్ధాయిలో పెట్టుబడులు పెడుతుండటం విశేషం.
హైదరాబాద్‌లో హైటెక్‌సిటీ సమీపంలో ఏర్పాటు చేసిన ఐకియా స్టోర్‌కు ఇప్పటికే విశేష స్పందన వస్తోంది. నాకూ, నీకూ ఐకియా అంటూ భాగ్యనగరవాసులందరూ ఐకియా స్టోర్‌వైపే అడుగులు వేస్తున్నారు.
ఐకియా స్టోర్ ప్రత్యేకతలు..
() 365 రోజులూ ఉదయం 10 గంటల నుంచి రాత్రి 11 గంటల వరకు ఓపెన్ చేసి ఉంటుంది
() 7500 ఉత్పత్తులు ఈ స్టోర్‌లో లభించనుండగా ఇందులో 20 శాతం ఉత్పత్తులను స్థానికంగా కొనుగోలు చేస్తోంది
() రూ. 200 లోపే 1000 ఉత్పత్తులు లభించనున్నాయి.
()టెక్స్‌టైల్ ఉత్పత్తులన్నీ అత్యుత్తమ కాటన్‌తో తయారు చేసినవి కావడం విశేషం
()ప్రపంచంలో అన్ని ఐకియా స్టోర్స్‌లోకెల్లా అతి పెద్ద రెస్టారెంట్ హైదరాబాద్‌దే. 1000 సీట్ల ఈ రెస్టారెంట్‌లో సగం ఆహార పదార్థాలు స్వీడిష్ స్పెషాలిటీస్ కాగా మిగిలిన సగం ఇండియన్ ఫుడ్‌.
అంతేగాదు ఈ రెస్టారెంట్ మెనూలో సగం శాకాహార వంటకాలే . ఇడ్లీ సాంబార్, సమోస, వెజ్ బిర్యానీ వంటివి లభిస్తాయి.
