సూపర్‌స్టార్‌ మహేష్‌బాబు, కొరటాల శివ కాంబినేషన్‌లో తెరకెక్కుతున్న చిత్రం భరత్ అనే నేను. డి.పార్వతి సమర్పణలో డి.వి.వి. ఎంటర్‌టైన్‌మెంట్‌ పతాకంపై స్టార్‌ ప్రొడ్యూసర్‌ దానయ్య డి.వి.వి. నిర్మిస్తున్న ఈ చిత్రం ఏప్రిల్‌ 20న ప్రపంచవ్యాప్తంగా ప్రేక్షకుల ముందుకురానుంది. మహేష్ సరసన బాలీవుడ్ భామ కైరా అద్వానీ హీరోయిన్‌గా నటిస్తుండగా సినిమాపై అంచనాలు పెరిగిపోయాయి.
శ్రీరామ నవమి సందర్భంగా విడుదలైన భరత్ పాటకు అదిరిపోయే రెస్పాన్స్ వచ్చిన సంగతి తెలిసిందే. తాజాగా విడుదలైన సెకండ్ సింగిల్ ట్రాక్ కూడా ఫ్యాన్స్‌ని విపరీతంగా ఆకట్టుకుంటోంది. బాలీవుడ్ నటుడు ఫర్హాన్ అఖ్తర్ పాడిన ‘ఐ డోంట్ నో’ పాట యూ ట్యూబ్‌లో ట్రెండింగ్‌లో ఉంది. 22 లక్షల వ్యూస్‌తో దూసుకుపోతోంది.
ఇప్పటికే సినిమా ప్రమోషన్స్‌లో బిజీగా ఉన్న చిత్రయూనిట్ ఏప్రిల్‌ 7న ప్రీరిలీజ్ వేడుకను నిర్వహించనుంది. సాయంత్రం 6 గంటలకు హైదరాబాద్‌లోని ఎల్‌.బి. స్టేడియంలో ప్రేక్షకులు, అభిమానులు, సినీ ప్రముఖుల సమక్షంలో వైభంగా జరగనుంది.దేవిశ్రీ ప్రసాద్ అందించిన సంగీతం ఈ సినిమాకి ప్రత్యేక ఆకర్షణగా నిలవనుంది. ఈ సినిమాలో మహేష్ ముఖ్యమంత్రిగా నటిస్తోండగా అందరిలో ఆసక్తినెలకొంది.
