కి మరోసారి భారీ విరాళం అందింది. దాత మంతెన రామలింగరాజు, తిరుమలలోని పీఏసీ (పబ్లిక్ అకమోడేషన్ కాంప్లెక్స్) 1, 2,){kind=link}
తిరుమల తిరుపతి దేవస్థానం (టీటీడీ)కి మరోసారి భారీ విరాళం అందింది. దాత మంతెన రామలింగరాజు, తిరుమలలోని పీఏసీ (పబ్లిక్ అకమోడేషన్ కాంప్లెక్స్) 1, 2, మరియు 3 భవనాల ఆధునీకరణ కోసం ఏకంగా రూ. 9 కోట్ల విరాళాన్ని అందజేశారు.
సామాన్య భక్తులకు మరింత మెరుగైన సౌకర్యాలు కల్పించాలన్న గొప్ప ఉద్దేశంతో ఆయన ఈ విరాళం ఇచ్చారు. దాత రామలింగరాజు తన కూతురు నేత్ర, అల్లుడు వంశీ పేరిట ఈ మొత్తాన్ని టీటీడీకి సమర్పించారు.
మంతెన రామలింగరాజు గతంలో కూడా టీటీడీకి పెద్ద మొత్తంలో విరాళాలు అందించారు. ప్రత్యేకంగా, 2012 సంవత్సరంలో సైతం ఆయన రూ. 16 కోట్లు విరాళంగా ఇచ్చారు.
భక్తుల సౌకర్యార్థం భారీ విరాళం అందజేసిన దాతకు, టీటీడీ తరపున ఛైర్మన్ బీఆర్ నాయుడు ప్రత్యేక అభినందనలు తెలిపారు. దాతల సహకారంతో భక్తులకు ప్రపంచస్థాయి సౌకర్యాలు అందించడానికి కృషి చేస్తామని ఛైర్మన్ ఈ సందర్భంగా పేర్కొన్నారు.
Also Read:మోదీ సర్కారుపై కార్మిక సంఘాల నిరసన