పూరి జగన్నాథ్ దర్శకత్వంలో విజయ్ దేవరకొండ హీరోగా తెరకెక్కుతున్న చిత్రం లైగర్. ఈ చిత్రం ఆగ‌స్టు 25న తెలుగుతో పాటు హిందీ, త‌మిళం, క‌న్న‌డ, మ‌ల‌యాళ భాష‌ల్లో విడుద‌ల కానుంది.ప్ర‌స్తుతం పోస్ట్ ప్రొడ‌క్ష‌న్ ప‌నుల‌లో బిజీగా ఉండగా సినిమాపై భారీ అంచనాలు నెలకొన్నాయి.
ఇక ఇటీవ‌లే విడుద‌లైన ట్రైల‌ర్‌కు మంచిరెస్పాన్స్‌ రాగా విజయ్ మాస్ మేకోవ‌ర్ ప్రేక్ష‌కుల‌ను ఫిదా చేసింది. ఇప్ప‌టివ‌ర‌కు లైగర్ ట్రైల‌ర్ అన్ని భాష‌ల్లో క‌లిపి 60 మిలియ‌న్ల వ్యూస్ సాధించి సోష‌ల్ మీడియాలో ట్రెండింగ్‌లో ఉంది. ఇక సినిమా శాటిలైట్‌, డిజిటల్ హ‌క్కులు భారీ ధ‌ర‌కు అమ్ముడ‌య్యాయి.
ప్ర‌ముఖ దిగ్గ‌జ సంస్థ స్టార్ గ్రూప్ రూ.55 కోట్ల‌కు లైగర్ డిజిటల్. శాటిలైట్‌ హ‌క్కుల‌ను కొనుగోలు చేసింది. ఈ చిత్రంలో విజ‌య్‌కు జోడీగా అన‌న్య‌పాండే హీరోయిన్‌గా న‌టించగా క‌ర‌ణ్‌జోహ‌ర్‌, ఛార్మీతో క‌లిసి పూరి స్వీయ నిర్మాణంలో తెరకెక్కించారు.
