యావత్‌ సినీ ప్రపంచం ఎంతో ఆసక్తిగా ఎదురుచూస్తున్న చిత్రం ‘బాహుబలి: ది కన్‌క్లూజన్‌’. ముఖ్యంగా, బాహుబలి ని కట్టప్ప ఎందుకు చంపాడనే ప్రశ్న నేపథ్యంలో ఈ చిత్రాన్ని చూసేందుకు అభిమానులు, ప్రేక్షకులు ఎంతో ఆసక్తిగా ఉన్నారు.
ఇదిలా ఉంటే..తొలిభాగం ‘బాహుబలి: ది బిగినింగ్‌’లో రాజమౌళి తళుక్కున మెరిసిన సంగతి తెలిసిందే. ఇక రెండో భాగంలో కూడా జక్కన్న కనిపిస్తారో లేదో తెలియాలంటే కొంచెం ఆగాల్సిందే. కానీ ఈలోపే ఈ చిత్రానికి సంబంధించి మరో ఆసక్తికరమైన విషయం తెలిసిపోయింది.
అదేంటంటే..దర్శకుడు రాజమౌళి, సంగీత దర్శకుడు కీరవాణిల కుమార్తెలు ఈ చిత్రంలో కనిపించడం. ఇప్పటికే ట్విస్ట్‌లతో ‘బాహుబలి-2′ ఓ రేంజుకి తీసుకెళ్ళిన జక్కన్న ఇప్పుడు వీరి ఎంట్రీతో మరింత ఆసక్తిని పెంచేశారు. ఇటీవలే ‘సాహోరే బాహుబలి’ వీడియో ప్రోమో సాంగ్ ను విడుదల చేసిన విషయం తెలిసిందే. ఇందులో, రాజమౌళి కుమార్తె మయూఖ, కీరవాణి కుమార్తె కుముద్వతి, కాస్ట్యూమ్ డిజైనర్ ప్రశాంతి కుమార్తె అనన్య, కెమెరామెన్ సెంథిల్ తనయులు రేయాన్, ధృవలు ఉన్నారు.
ఇందులో ప్రభాస్ మహారాజుగా వస్తున్నప్పుడు వీరంతా పూలు చల్లుతూ కనిపించారు. ప్రభాస్ మహారాజుగా వస్తున్న సందర్భంలో పూలు చల్లుతే వీళ్లందరూ కనిపించారు. ఇక ఈ నెల 28న విడుదల కానున్న ‘బాహుబలి-2’సినిమా ఎంతటి సంచలనం సృష్టిస్తుందో తెలుసుకోవాలంటే కొన్ని రోజులు ఆగాల్సిందే మరి.
