ఫస్ట్ లుక్ పోస్టర్‌, టీజర్‌తో అందరినీ ఆకట్టుకున్న ఇంపాక్ట్ ఫుల్ తెలుగు డ్రామా ‘ఉత్సవం’ మేకర్స్ మ్యూజిక్ ప్రమోషన్‌లను ప్రారంభించారు. దిలీప్ ప్రకాష్, రెజీనా కసాండ్రా ప్రధాన పాత్రలలో అర్జున్ సాయి రచన, దర్శకత్వం వహించిన ఈ చిత్రాన్ని హార్న్‌బిల్ పిక్చర్స్‌పై సురేష్ పాటిల్ నిర్మించారు. అనూప్ రూబెన్స్ ఈ చిత్రానికి సంగీతం అందించారు.
ఉత్సవం ఫస్ట్ సింగిల్ ఫస్ట్ కిస్. టైటిల్ సూచించినట్లుగా, ఈ పాట హీరో ఫస్ట్ కిస్ అనుభవానికి సంబంధించినది. కథానాయిక పాత్ర పోషించిన రెజీనా కసాండ్రా అనుకోకుండా హీరో పెదవులపై ముద్దు పెట్టుకుంది, అతను తన అదృష్టాన్ని నమ్మలేకపోతాడు, పాట, డ్యాన్స్ తో హీరో తన ఆనందాన్ని వ్యక్తపరుస్తాడు.
అనూప్ రూబెన్స్ మాస్ బీట్‌లతో గ్రూవీ యూత్‌ఫుల్ నంబర్‌ను అందించారు. అనంత శ్రీరామ్ సాహిత్యం యూత్ ఫుల్ గా ఉంది. రామ్ మిరియాల రామ్ తన డైనమిక్ వోకల్స్ తో పాటకు అదనపు ఉత్సాహాన్ని తెచ్చారు. దిలీప్ ప్రకాష్ తన డ్యాన్స్, ఎక్స్‌ప్రెషన్స్‌తో అదరగొట్టాడు. ఫస్ట్ కిస్ మ్యూజిక్ ప్రమోషన్‌లకు పర్ఫెక్ట్ స్టార్ట్, అద్భుతమైన కంపోజిషన్, అద్భుతమైన గానంతో ఈ పాట మ్యూజిక్ చార్ట్‌లను రాక్ చేయబోతోంది.
‘ఉత్సవం’ భావోద్వేగాలు, ప్రేమ , నోదంతో కూడిన హోల్సమ్ ఫ్యామిలీ ఎంటర్‌టైనర్. ఇందులో నాజర్, రాజేంద్ర ప్రసాద్, బ్రహ్మానందం, అలీ, ప్రేమ, ఎల్.బి. శ్రీరామ్, అనీష్ కురువిల్లా, ప్రియదర్శి, ఆమని, సుధ కీలక పాత్రల్లో నటిస్తున్న ఈ చిత్రానికి నిష్ణాతులైన సాంకేతిక బృందం పని చేస్తోంది ప్రముఖ డీవోపీ రసూల్ ఎల్లోర్ సినిమాటోగ్రఫీ అందించిన ఈ చిత్రానికి కోటగిరి వెంకటేశ్వరరావు ఎడిటర్‌.
Also Read:చౌర్య పాఠం…అదిరిపోతుంది
