తెలుగు చిత్ర పరిశ్రమను అంతర్జాతీయ స్థాయికి తీసుకెళ్లిన చిత్రం ‘బాహుబలి’. దర్శకధీరుడు ఎస్‌.ఎస్‌ రాజమౌళి తెరకెక్కించిన ఈ చిత్రం రెండు పార్ట్‌లుగా తెరకెక్కించిన విషయం తెలిసిందే. అయితే ఈ మూవీకి ఇండియాలోనే కాదు ఇతర దేశాల్లో కూడా మంచి ఆద‌ర‌ణ ల‌భించింది.
జ‌పాన్‌, చైనా వంటి దేశాల‌లోని సినీ ప్రేక్ష‌కులు ఈ సినిమాను త‌మ సినిమాగా ఓన్ చేసుకొని ఘన విజ‌యం అందించారు. అయితే ఇంత ఘన విజ‌యం సాధించిన ఈ సిరీస్‌లో మూడో పార్ట్ తీస్తే బాగుంటుంద‌ని అభిమానులు అభిప్రాయ‌ప‌డ్డారు. కానీ డైరెక్టర్‌ రాజమౌళి మాత్రం ప్రస్తుతం ఆలాంటి ఆలోచ‌న లేద‌ని చాలా సంద్భాల్లో చెప్పారు.
ఇక అసలు విషయం ఏంటంటే.. హాలీవుడ్‌లో ‘అవెంజర్స్‌’ మూవీ అందరికి తెలిసిందే. ఇందులో నిక్‌ ఫ్యూరీ పాత్ర పోషించిన జాక్సన్ త‌న నెక్ట్స్‌ మూవీ ‘అవెంజర్స్‌: కెప్టెన్ మార్వెల్‌’. ఈ చిత్ర ప్రమోషన్స్‌లో భాగంగా ఆయన ఓ ఇంట‌ర్వ్యూ లో పాల్గొన్నారు. ఈ సంద‌ర్బంగా జాక్సన్ పలు ఆసక్తికర విషయాలు వెల్లడించారు.
ఇండియాకి వెళ్తారా అని ప్ర‌శ్నించ‌గా, పని క‌లిపిస్తే వెళ‌తా అని అన్నాడు. ఇక బాలీవుడ్‌లో ఏదైన సినిమా చేయాల‌నుకుంటున్నారా అని అడ‌గ్గా.. బాహుబలి 3 చిత్రం కోసం ప‌నిచేయాల‌ని ఉంద‌ని తెలిపారు. దీంతో బాహుబలి 3 మ‌రో సారి వార్తలో నిలిచింది. మరి దర్శకుడు రాజమౌళి బాహుబలి 3 తెరకెక్కిస్తాడో లేదో చూడాలి.
