ఈ మధ్య కాలంలో తనకు డిఫరెంట్ సినిమాలు కలసి రావట్లేదని మనోడు చక్కగా రొమాంటిక్ కామెడీలూ చేస్తూ వచ్చాడు నాగ చైతన్య. అయితే ఇప్పుడు మాత్రం ”యుద్ధం శరణం” అనే థ్రిల్లర్ సినిమాతో దూసుకొస్తున్నాడు. గతంలో విడుదలైన ఈ సినిమా టీజర్ లో ”మనం బ్రతకాలంటే.. వాడికి ఎదురెళ్ళాలి. ఇది ధైర్యం కాదు. తెగింపు” అనే లైన్ తో సింగిల్ పాయింట్ లో కథేంటో చెప్పాశాడు చైతు.
ఈ సినిమాలో విలన్‌గా శ్రీకాంత్‌ నటిస్తున్నాడు. వారాహి చలన చిత్ర పతాకంపై రజనీ కొర్రపాటి నిర్మిస్తున్నారు. సెప్టెంబర్‌ 8న ఈ చిత్రం ప్రపంచవ్యాప్తంగా ప్రేక్షకుల ముందుకు రాబోతోంది. కృష్ణ ఆర్‌.వి.మారిముత్తు దర్శకత్వం వహిస్తున్న ఈ సినిమాలో లావణ్య త్రిపాఠి హీరోయిన్‌గా నటిస్తోంది. వివేక్‌ సాగర్‌ సంగీతం అందించారు.
ఆంధ్ర .. తెలంగాణ రాష్ట్రాల్లో 17 కోట్లు .. ఓవర్సీస్ తో పాటు ఇతర ప్రాంతాలు కలుపుకుని మరో 3 కోట్లు థియేటర్స్ రైట్స్ బిజినెస్ చేసినట్టు చెబుతున్నారు. బడ్జెట్ ఒక పరిథిలో ఉండేలా చూసుకుంటూ ఈ సినిమాను సాయి కొర్రపాటి నిర్మించాడు. అందువలన పాజిటివ్ టాక్ వస్తే చాలు .. హిట్ వైపుకు పరుగులు తీయడం .. లాభాలు రావడం ఖాయమని అంటున్నారు. ‘ప్రేమమ్’ .. ‘రారండోయ్ వేడుక చూద్దాం’తో సక్సెస్ లను అందుకున్న చైతూ, ఈ సినిమాతో హ్యాట్రిక్ హిట్ కొడతాడేమో చూడాలి.
