గ్రీన్ ఛాలెంజ్‌లో పాల్గొన్న హీరో విశ్వక్‌ సేన్‌..

రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఛాలెంజ్ 3వ విడతలో భాగంగా సింగర్ రాహుల్ సిప్లిగంజ్ విసిరిన ఛాలెంజ్ స్వీకరించాడు ప్రముఖ సిని నటుడు విశ్వక్ సేన్. ఇందులో జూబ్లీహిల్స్ చెక్ పోస్ట్ వద్ద ఉన్న జిహెచ్‌ఎంసి పార్క్‌లో మొక్కలు నాటాడు విశ్వక్ సేన్.

మనిషి బ్రతకడానికి మొక్కలు ఎంతో అవసరం.. ఎంపీ సంతోష్ కుమార్ చొరవ తీసుకొని గ్రీన్ ఛాలెంజ్ చేయడం చాలా గొప్ప పని అని విశ్వక్‌ తెలిపాడు. అనంతరం హీరో అల్లు శిరీష్,డైరెక్టర్ శైలేష్,నటుడు అభినవ్ గోమటం,హీరో కార్తికేయ నలుగురికి ఈ ఛాలెంజ్‌ను విసిరాడు విశ్వక్ సేన్. ఈ కార్యక్రమంలో గ్రీన్ ఛాలెంజ్ ప్రతినిధి రాఘవ పాల్గొన్నారు.