తమిళ హీరో విశాల్, అనీశాల వివాహ నిశ్చితార్థం హైదరాబాదులో ఘనంగా జరిగింది. ఇరు కుటుంబాలకు చెందిన వ్యక్తులు, సన్నిహిత మిత్రులు మాత్రమే ఎంగేజ్ మెంట్ కార్యక్రమానికి హాజరైనట్టు తెలుస్తోంది. ఇటీవల తను చేసుకోబోయే అమ్మాయి అనీశాను అభిమానులకు పరిచయం చేశాడు విశాల్. హైదరాబాద్కు చెందిన అనీషాను విశాల్ పెళ్లి చేసుకోబోతున్నాడు. ఈ ఏడాది ఆగస్ట్ లేదా సెప్టెంబర్లో అంగరంగ వైభవంగా వివాహం జరగనున్నట్టు సమాచారం. వీరి ఎంగేజ్ మెంట్ ఫొటోలు సోషల్ మీడియాలో వైరల్ అవుతున్నాయి.
అయితే నడిగర్ సంఘం భవనం నిర్మాణం అయిన తరువాత ఆ భవనంలోనే పెళ్లి చేసుకుంటానని విశాల్ చాలా సార్లు ప్రకటించాడు. త్వరలో భవనం నిర్మాణం కూడా పూర్తికానుందని తెలుస్తోంది. వరుస విజయాలతో దూసుకుపోతున్న విశాల్ ప్రస్తుతం టెంపర్ రీమేక్గా తెరకెక్కుతున్న అయోగ్య మూవీలో నటిస్తున్నాడు. ఈ సినిమా ఏప్రిల్ 19న విడుదల కానుంది.