నామా నాగేశ్వరరావు గెలుపుతోనే ఖమ్మం జిల్లా అభివృద్ధి సాధ్యమని తెలిపారు సినీ నటుడు తొట్టెంపూడి వేణు. మధిర,ముదిగొండ మండలంలోని నాగులవంచ,బాణాపురంలో ప్రచారం నిర్వహించిన వేణు..టీఆర్ఎస్ అభ్యర్థి నామా నాగేశ్వరరావును అత్యధిక మెజార్టీతో గెలిపించాలని కోరారు. నామా గెలుపు ఖమ్మం అభివృద్ధికి మలుపన్నారు.
టీఆర్ఎస్ హయాంలోనే రాష్ట్రం అన్ని రంగాల్లో అభివృద్ధి చెందిందని అన్నారు.గతంలో ఎంపీగా నామా పనిచేసిన సమయంలో ప్రభుత్వం అధికారంలో లేనప్పటికీ.. జిల్లాను నామా అద్భుతంగా అభివృద్ధి చేశారన్నారు. .. ఎంపీగా నామా నాగేశ్వరరావును గెలిపిస్తే మన జిల్లా మరింత అభివృద్ధి చెందుతుందన్నారు.
మన ముఖ్యమంత్రి కేసీఆర్ మాత్రమే తెలంగాణను బంగారు తెలంగాణలా తీర్చిదిద్దేలా అభివృద్ధి చేస్తున్నారని తెలిపారు.అభివృద్ధి, సంక్షేమ పథకాల్లో తెలంగాణ రాష్ట్రాన్ని దేశానికే ఆదర్శంగా తీర్చిదిద్దిన ఘనత కేసీఆర్‌కే దక్కుతుందన్నారు. ఖమ్మం పార్లమెంట్ నియోజకవర్గ టీఆర్ఎస్ అభ్యర్థిగా నామా నాగేశ్వరరావుకు సీఎం కేసీఆర్ అవకాశం కల్పించారని, ఆయన గెలుపునకు టీఆర్ఎస్ నాయకులు, కార్యకర్తలు, అభిమానులు, ప్రజలు కృషి చేయాలన్నారు. ఈ కార్యక్రమంలో స్ధానిక టీఆర్ఎస్ నేతలు పాల్గొన్నారు.
