వర్సటైల్ యాక్టర్ సూర్య హీరోగా పాండురాజ్ డైరెక్ట్ చేస్తున్న యాక్షన్ థ్రిల్లర్ ఈటీ. డిఫరెంట్ కథాంశంతో తెరకెక్కుతోన్న ఈ చిత్రం పాన్ ఇండియా లెవెల్ లో విడుదలకానుంది. సన్ పిక్చర్స్ బ్యానర్ పై నిర్మిస్తోన్న ఈ సినిమాలో సూర్య జోడీగా ప్రియాంక అరుళ్ మోహన్ కనిపించనుంది. మార్చి 10న ఈ సినిమా ప్రపంచవ్యాప్తంగా విడుదల కానుంది. ఈ నేపథ్యంలో ఈ సినిమా ప్రమోషన్స్ లో సూర్య పాల్గొన్నాడు.
తాజాగా ఓ ఇంటర్వ్యూలో సూర్య మాట్లాడారు. “లవ్ .. యాక్షన్ .. ఎమోషన్ తో కూడిన ఈ సినిమాలో బలమైన సామాజిక సందేశం ఉంటుంది. కథాకథనాలను .. పాత్రలను పాండిరాజ్ మలిచిన విధానం ప్రతి ఒక్కరినీ ఎంతగానో ఆకట్టుకుంటుందని అన్నారు. మొదటిసారిగా తెలుగులో డబ్బింగ్ చెప్పడం ఆనందాన్ని కలిగించింది. ఈ సినిమాలో విలన్ పాత్రలో వినయ్ రాయ్ కనిపిస్తాడు. తెలుగులో విలన్ పాత్రలను రాజమౌళిగారు చాలా శక్తిమంతంగా డిజైన్ చేస్తుంటారు. అదే తరహాలో ఈ సినిమాలోని విలన్ రోల్ ను పాండిరాజ్ డిజైన్ చేశారు. ఈ సినిమా ప్రతి ఒక్కరికీ తప్పకుండా నచ్చుతుందని సూర్య తెలిపారు.
