హీరో సందీప్ కిషన్ సరైన హిట్ కోసం కొంతకాలంగా వెయిట్ చేస్తున్నాడు. ఇటీవల విడుదలైన నక్షత్రం మూవీ బాక్సాఫీసు వద్ద బొల్తాపడటంతో తాజా మూవీ కేరాఫ్ సూర్యపై భారీ ఆశలు పెట్టుకున్నాడు. తమిళ,తెలుగు భాషల్లో తెరకెక్కిన ఈ సినిమా నవంబర్ 10న ప్రేక్షకుల ముందుకురానుంది.
నా పేరు శివ ఫేం సుశీంద్రన్ దర్శకత్వంలో తెరకెక్కిన ఈ సినిమాలో సందీప్ సరసన కథానాయికగా మెహ్రీన్ కనిపించనుంది. ఈ సినిమా ‘టైటిల్ లోగో’ను హీరో సూర్యతో రిలీజ్ చేయించిన టీమ్, ఆడియోను కూడా వచ్చేవారం ఆయన చేతుల మీదుగానే విడుదల చేయించనున్నారు.
ఈ ఫంక్షన్ కి సూర్య ముఖ్య అతిథిగా వస్తుండటం ప్రత్యేకతను సంతరించుకుంది. ఇక త్వరలో ట్రైలర్ ను కూడా రిలీజ్ చేసి .. నవంబర్ 10వ తేదీన సినిమాను విడుదల చేయనున్నారు. ఇప్పటి వరకూ యాక్షన్ సినిమాలను ఎక్కువగా చేస్తూ వచ్చిన సందీప్ కిషన్, ఈ సినిమాలో యాక్షన్ తో పాటు కామెడీని కూడా అద్భుతంగా చేశాడని అంటున్నారు. మరి ఈ సినిమాతోనైనా సందీప్ కెరీర్ గాడిలో పడుతుందో లేదో చూడాలి.
