స్వయంకృషితో కమెడియన్‌ నుంచి హీరోగా ఎదిగాడు సునిల్. అంతేకాకుండా హీరోగా కూడా ప్రేక్షకులను మెప్పించగలిగాడు. ‘అందాలరాముడు’ నుంచి ‘జక్కన్న’ సినిమా వరకూ సునిల్ తనదైన శైలీలో నటిస్తూ వస్తున్నాడు. ఇప్పటి వరకూ తాను నటించిన సినిమాల్లో కామెడి ఉండేటట్లు జాగ్రత్తపడి ప్రేక్షకులను ఆకట్టుకుంటున్నాడు సునిల్.
అయితే క్రితం ఏడాది సునీల్ కి అంతగా కలిసి రాలేదనుకుంటా.. ఆయన చేసిన సినిమాలు అభిమానులను కొంతమేరే ఆకట్టుకున్నాయి. దాంతో సునిల్ కి ఈ ఏడాది సక్సెస్ దూరమైంది. ఈ రిజల్టే ఇప్పుడు సునిల్ కి కసిని పెంచినట్లుంది. ఎలాగైనా ఈ ఏడాది సక్సెస్ రుచి చూడాలనే గట్టి పట్టుదలతో ఉన్నాడు ఈ జక్కన్న.
ఈ క్రమంలో ఎన్. శంకర్ దర్శకత్వంలో ఓ సినిమా చేయనున్నాడు సునిల్. ఆ మధ్య మలయాళంలో సక్సెస్ సాధించిన ‘2 కంట్రీస్’ సినిమాకి ఇది రీమేక్. ఈ సినిమా రెగ్యులర్ షూటింగ్ ఈ నెల 15వ తేదీ నుంచి మొదలు కానుంది. ఈ సినిమా మొదటి షెడ్యూల్ ను హైదరాబాద్ లో ప్లాన్ చేశారు. ఇక్కడ కొన్ని ముఖ్యమైన సన్నివేశాలను తెరకెక్కించనున్నారు చిత్ర దర్శకుడు. శ్రీధర్ సీపాన సంభాషణలు సమకూర్చుతోన్న ఈ సినిమాకి, గోపీసుందర్ సంగీతాన్ని అందిస్తున్నాడు. మరి సక్సెస్ కోసం వెయిట్ చేస్తున్న సునిల్‌కి ఈ సినిమా మంచి విజయాన్నిస్తుందో లేదో చూడాలి.