టాలీవుడ్‌లో యంగ్ అండ్ ఎన‌ర్జిటిక్ ట్యాలెంటెడ్‌ హీరోగా పేరు తెచ్చుకున్నాడు యంగ్ హీరో ఆది సాయికుమార్‌. ఈ యంగ్ హీరో కొత్త సినిమా ఆదివారం ప్రారంభమైంది. ఈ సినిమా ప్రారంభోత్సవ కార్యక్రమం ఫిలిం నగర్ దైవ సన్నిధానంలో సినీ ప్రముఖుల సమక్షంలో ఘనంగా నిర్వహించారు. ప్రముఖ దర్శకుడు వంశీ పైడిపల్లి క్లాప్ కొట్టగా.. డీసీపీ.కృష్ణ మోహన్ కెమెరా స్విచ్ ఆన్‌ చేశారు. ఈ కార్యక్రమంలో హీరో నాగ శౌర్య, వంశి పైడిపల్లి, నిర్మాత భరత్ చౌదరి, సాయి కుమార్ పాల్గొన్నారు. ఈ సినిమా శ్రీ హనుమాన్ మూవీ మేకర్స్ బ్యానర్‌పై శ్రీనివాస నాయుడు నడికట్ల దర్శకత్వంలో తెరకెక్కిస్తున్నారు.
హీరో ఆది మాట్లాడుతూ… డైరెక్టర్ నాకు 3 గంటలు నెరేషన్ ఇచ్చారు. ఫ్యూర్ లవ్ స్టొరీ ఇది. మంచి ఆర్టిస్ట్స్ ఈ సినిమాలో నటిస్తున్నారు. మీ అందరి ఆశీస్సులు నాకు కావాలి. త్వరలో హీరోయిన్ పేరు ప్రకటిస్తాము. ఈ సినిమాలో రెండు షేడ్స్ ఉన్న పాత్రల్లో కనిపించబోతున్నాను. నాకు కెరీర్ లో ఇది మంచి సినిమా అవుతుందని నమ్ముతున్నానన్నారు.
దర్శకుడు శ్రీనివాస్ నాయుడు మాట్లాడుతూ… మంచి లవ్ స్టొరీ తో వస్తున్నాము. మీ అందరి సపోర్ట్ కావాలి. ఈ సినిమా చెయ్యడానికి మాకు సహకరిస్తున్న సాయి కుమార్ గారికి, హీరో ఆదికి, నిర్మాతలకు నా ధన్యవాదాలు. ఈ సినిమాకు సంభందించి ఇతర నటీనటుల, సాంకేతిక నిపుణుల వివరాలు త్వరలో తెలియజేస్తాము. ఈ చిత్రంలో రాజీవ్ కనకాల, రాధికా, రావు రమేష్, అజయ్ ముఖ్య పాత్రల్లో కనిపించబోతున్నానన్నారు.
నిర్మాత చావలి రామాంజనేయులు మాట్లాడుతూ…సీమశాస్త్రి సినిమా తరువాత మేము ఈ సినిమా చేస్తున్నాము. బౌండెడ్ స్క్రిప్ట్ తో డైరెక్టర్ మా దగ్గరికి వచ్చి చెప్పినప్పుడు మాకు బాగా నచ్చింది. ఈ సినిమా మంచి విజయం సాధిస్తుందని నమ్ముతున్నాను.
ఆర్టిస్ట్స్: ఆది,రావు రమేష్,రాధికా,అజయ్,మిర్చి కిరణ్,ప్రియా,రాజీవ్ కనకాల, టెక్నీషియన్స్: కెమెరామెన్: సాంబ బీమావరపు, మ్యూజిక్: అరుణ్ చిలువేరు, ఎడిటర్: ఉద్ధవ్, ఆర్ట్ డైరెక్టర్: టి.రాజ్ కుమార్, ఫైట్ మాస్టర్: రియల్ సతీష్, డైలాగ్స్: సురేంద్ర కృష్ణ, పడాల శివ సుబ్రహ్మణ్యం, ప్రజెంట్స్: డి.ఆర్.పీ. వర్మ, నిర్మాతలు: చింతలపూడి శ్రీనివాస్, చావలి రామాంజనేయులు,కథ, స్క్రీన్ ప్లే, మాటలు, దర్శకత్వం: శ్రీనివాస్ నాయుడు.నడికట్ల
