ఉత్తర తెలంగాణ అగ్నిగుండమే!

తెలుగు రాష్ట్రాల వెదర్ అప్‌డేట్‌ను వెల్లడించారు వాతావరణ శాఖ అధికారులు. ఉత్తర తెలంగాణలో ఎక్కువ ఉష్ణోగ్రతలు కొనసాగే అవకాశం ఉందని అధికారులు తెలిపారు. ముఖ్యంగా అదిలాబాద్, కొమ్రం భీమ్, నిర్మల్, నిజామాబాద్, జగిత్యాల, మంచిర్యాల జిల్లాల్లో చాలా చోట్ల ఉష్ణోగ్రతలు 40°C కంటే ఎక్కువగా ఉండొచ్చు అని తెలిపారు..

మధ్య, దక్షిణ, తూర్పు తెలంగాణలో చినుకులు లేదా గాలివానలు పడే అవకాశం ఉందని… హైదరాబాద్‌లో గరిష్ఠ ఉష్ణోగ్రత 36-37°C మధ్య ఉండొచ్చు అన్నారు. సాయంత్రం సమయంలో వానలు పడే అవకాశం ఉందని వెదర్ రిపోర్ట్‌లో తెలిపారు.

ఇక ఆంధ్రప్రదేశ్‌లోని రాయలసీమ ప్రాంతంలో చాలా చోట్ల 40°C పైగా ఉష్ణోగ్రతలు నమోదయ్యే అవకాశం ఉందని వాతావరణ శాఖ అధికారులు వెల్లడించారు. ముఖ్యంగా కర్నూలు, నంద్యాల, కడప, అనంతపురం, శ్రీ సత్యసాయి జిల్లాల్లో ఉష్ణోగ్రతలు ఎక్కువగా ఉంటాయని తెలిపారు. కోస్తాంధ్రలో గరిష్ఠ ఉష్ణోగ్రత 2-3°C తక్కువగా ఉండే అవకాశం ఉందని.. కోస్తా జిల్లాల్లో భారీ వర్షాలు, గాలివానలు నమోదయ్యే అవకాశం ఉందని చెప్పారు. విశాఖపట్నం లో గరిష్ఠ ఉష్ణోగ్రత సుమారు 32°C ఉండొచ్చు, తేమ శాతం ఎక్కువగా ఉంటుందని తెలిపారు.

Also Read:IPL 2025:ఎట్టకేలకు చెన్నై గెలుపు