భారతీయులలో దాదాపు సగం మంది రోగనిరోధక శక్తి తగ్గిపోతుందేమోనని ఆందోళన చెందుతున్నారని సెంట్రం ఇండియా హెల్త్ సర్వే వెల్లడించింది. 48 శాతం మంది ఇమ్యూనిటీపై భయం వ్యక్తం చేయగా, 43 శాతం మంది తక్కువ శక్తి స్థాయిలను అనుభవిస్తున్నట్టు తెలిపారు. ఈ నేపథ్యంలో త్వరిత పరిష్కారాల కంటే, చిన్న చిన్న రోజువారీ అలవాట్లు దీర్ఘకాలికంగా రోగనిరోధక శక్తిని పెంచగలవా అనే ప్రశ్న ముందుకు వస్తోంది.
నిద్రలేచిన తర్వాత తొలి గంట జీర్ణక్రియ, మెటబాలిజం, హార్మోన్ సమతుల్యత, ఒత్తిడి ప్రతిస్పందన వంటి అంశాలపై ప్రభావం చూపుతుంది. ఇవన్నీ రోగనిరోధక శక్తితో నేరుగా సంబంధం కలిగినవే.నిద్రలేవగానే నీరు తాగడం చాలా సరళమైన అలవాటు. ఇది జీర్ణక్రియను ఉత్తేజపరుస్తుంది, విషాలను తొలగించడంలో సహాయపడుతుంది, గట్ హెల్త్ను మెరుగుపరుస్తుంది. గట్ ఆరోగ్యం మంచి ఇమ్యూనిటీకి కీలకం.
సాధారణ స్ట్రెచింగ్, యోగా లేదా చిన్న నడక రక్తప్రసరణను మెరుగుపరుస్తాయి. దీని వల్ల రోగనిరోధక కణాలు సమర్థంగా పనిచేస్తాయి. ఉదయపు సూర్యకాంతి విటమిన్ D ఉత్పత్తికి తోడ్పడుతుంది. నగరాల్లో ఎక్కువసేపు ఇంట్లో గడిపే వారికి ఇది ముఖ్యంగా అవసరం.దీర్ఘకాలిక ఒత్తిడి ఇమ్యూనిటీని దెబ్బతీస్తుంది. ఉదయాన్నే కొన్ని నిమిషాలు లోతైన శ్వాసాభ్యాసం చేయడం ఒత్తిడి హార్మోన్లను తగ్గిస్తుంది, శరీరంలో వాపును నియంత్రిస్తుంది.
సమతుల్యమైన అల్పాహారం రక్తంలో చక్కెర స్థాయిలను స్థిరంగా ఉంచుతుంది. అధిక చక్కెర వలన వాపు పెరిగి రోగనిరోధక శక్తి బలహీనపడుతుంది. ప్రోటీన్, ఫైబర్, ఆరోగ్యకరమైన కొవ్వులు కలిగిన ఆహారం దీర్ఘకాలిక శక్తిని అందిస్తుంది. ప్రతిరోజూ నిద్రలేచి నీరు తాగడం, కదలిక చేయడం, లోతుగా శ్వాసించడం, సూర్యకాంతిలో కొద్దిసేపు గడపడం వంటి సాధారణ అలవాట్లే శక్తివంతమైన ఇమ్యూనిటీ బూస్టర్ కావచ్చు.
Also Read:అదృష్టం కొద్దీ కాంగ్రెస్ అధికారంలోకి!