ఈ స్పూర్తి కలకాలం నిలవాలి:హరీష్‌

టీఆర్ఎస్ పార్టీ 18వ ఆవిర్భావ దినోత్సవ వేడుకలు పల్లెపల్లెనా ఘనంగా జరుగుతున్నాయి. సిద్దిపేటలో ఎమ్మెల్యే హరీష్ రావు పార్టీ జెండాను ఆవిష్కరించారు. సీఎం కేసీఆర్,పార్టీ కార్యకర్తలకు,టీఆర్ఎస్ కార్యకర్తలకు ఆవిర్భావ దినోత్సవ శుభాకాంక్షలు తెలిపారు. ఈ స్పూర్తి కలకాలం నిలవాలి ఉద్యమ దీప్తి ఇలాగే వెలుగొందుతూ ఉండాలని ట్వీట్ చేశారు.

తెలంగాణ రాష్ట్ర సమితి ఆవిర్భావ దినోత్సవం సందర్భంగా మంత్రి అల్లోల ఇంద్రకరణ్ రెడ్డి ఇవాళ నిర్మల్ జిల్లా కేంద్రంలోని తన క్యాంప్ కార్యాలయంలో పార్టీ జెండా ఆవిష్కరించారు. మహబూబ్ నగర్ లో తెరాస పార్టీ ఆవిర్భావ దినోత్సవ వేడుకలు జిల్లా కేంద్రంలో దినోత్సవాన్ని నిర్వహించారు. పార్టీ పతాకాన్ని ఆవిష్కరించారు మంత్రి వి శ్రీనివాస్ గౌడ్

గులాబీ జెండా గులాంగిరి కి చరమగీతం పాడి తెలంగాణ జాతి ఆత్మగౌరవాన్ని వినువీధులలో రెపరెపలాడించిందన్నారు శ్రీనివాస్ గౌడ్. రాష్ట్రం సాకారమయ్యాక కెసిఆర్ నేతృత్వంలో తెలంగాణ అభివృద్ధిలో దేశంలోనే నెంబర్‌ వన్‌గా దూసుకుపోతుందన్నారు. సీఎం కేసీఆర్ నేతృత్వంలో పాలమూరు రంగారెడ్డి నిర్మాణం శరవేగంగా జరుగుతుందన్నారు దీనికి నిదర్శనమే వారం రోజుల క్రితం పదివేల కోట్ల రూపాయలను పాలమూరు-రంగారెడ్డి నిర్మాణానికి విడుదల చేయడమే అన్నారు.