ఒక మనసు సినిమాతో తెలుగు తెరకు పరిచయమైన మెగాడాటర్ నిహారిక. ఆ సినిమా ఆశించిన స్ధాయిలో ఆడకపోయిన నటన పరంగా నిహాకి మంచి మార్కులు పడ్డాయి. ఆ తర్వాత గ్యాప్ తీసుకున్న ఈ మెగా డాటర్,సుమంత్ అశ్విన్‌తో హ్యాపీ వెడ్డింగ్ అంటూ ప్రేక్షకుల ముందుకువస్తోంది. యువీ క్రియేషన్స్‌ నిర్మాణంలో తెరకెక్కుతున్న ఈ చిత్రానికి లక్ష్మణ్ దర్శకత్వం వహించారు. ఇప్పటికే షూటింగ్ పూర్తి చేసుకున్న హ్యాపీ వెడ్డింగ్ ప్రమోషన్‌లో బిజీగా ఉంది చిత్రయూనిట్.
తాజాగా హ్యాపీ వెడ్డింగ్ టీజర్‌ని విడుదల చేసింది. నేను ఆనంద్ వాళ్ల నాన్నను మాట్లాడుతున్నానండి…అక్షర వాళ్ల నాన్నను మాట్లాడుతున్నానండి అంటూ మొదలయ్యే టీజర్‌లో ఆకు వక్క మార్చుకునే టైం వచ్చేసింది ముహుర్తాలు మీరు పెట్టిస్తారా మమ్మల్ని పెట్టించమంటారా అంటూ టైటిల్‌కు తగ్గట్లుగా టీజర్‌ని ఆసక్తికరంగా తెరకెక్కించారు.
సుమంత్, నిహారిక తమ పాత్రల్లో చక్కగా ఒదిగిపోయారు. దీంతో పాటు జూన్‌ 30న థియేట్రికల్‌ ట్రైలర్‌ను విడుదల చేయనున్నట్లు టీజర్‌లో తెలిపారు. ఆ టీజర్‌పై మీరు ఓ లుక్కేయండి.
