మోడల్‌గా జీవితాన్ని ప్రారంభించి సక్సెస్‌ ఫుల్‌ హీరోయిన్‌గా దూసుకుపోతున్న హిందీ భామ మెహ్రీన్ . కృష్ణగాడి వీర ప్రేమ గాథతో టాలీవుడ్‌ ఎంట్రీ ఇచ్చిన ఈ బ్యూటీ ప్రస్తుతం టాలీవుడ్‌,కోలీవుడ్‌,మలయాళ,పంజాబీ ఇండస్ట్రీలో బిజీ ఆర్టిస్టుగా మారిపోయింది.
గతేడాది వరుస పరాజయాలతో డీలా పడినా.. ఈ ఏడాది సంక్రాంతికి `ఎఫ్2`తో బ్లాక్‌బస్టర్ విజయం అందుకుంది. వెండితెరపై గ్లామరస్‌గా కనిపించడానికి వెనుకాడని మెహ్రీన్.. బోల్డ్ పాత్రల్లో సైతం నటించేందుకు సిద్ధమేనని ప్రకటించింది.
కథాపరంగా బోల్డ్ పాత్రలో నటించడానికి నేను సిద్ధం. కొందరు అలాంటి పాత్రలు చేయడానికి సిద్ధపడరు. కానీ, నాకు మాత్రం అలాంటి ఛాలెంజ్‌లు అంటే ఇష్టం. తెరపై బోల్డ్‌గా కనిపించేందుకు ఎలాంటి అభ్యంతరమూ లేదు. అవకాశం వస్తే నేను రెడీ అని చెప్పింది.
ఇక ప్రస్తుతం కళ్యాణ్ రామ్ హీరోగా చేస్తున్న ఎంత మంచివాడవురా సినిమాలో హీరోయిన్ గా చేస్తోంది. ఇవాళ మెహ్రీన్ పుట్టినరోజు… ఆమె ఇలాంటి పుట్టినరోజు వేడుకలు ఎన్నో జరుపుకోవాలని కోరుకుందాం.
