శ్రీవారి భక్తులకు గుడ్ న్యూస్. మార్చి నెలకు సంబంధించి శ్రీవారి ఆర్జిత సేవా టికెట్ల కోటాను ఈ నెల 18న ఉదయం 10 గంటలకు ఆన్‌లైన్‌లో విడుదల చేయనుంది టీటీడీ. సేవా టికెట్ల రిజిస్ట్రేషన్‌ 18 నుంచి 20 వరకు ఉంటుందని.. ఆసక్తి ఉన్న భక్తులు పేర్లను నమోదు చేసుకోవాలని చెప్పింది. 20న లక్కీ డీప్‌ ఉంటుందని చెప్పారు.
కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లను ఈ నెల 21న ఉదయం 10 గంటలకు విడుదల చేస్తామని చెప్పింది. అలాగే, వర్చువల్‌ సేవలు, దర్శన స్లాట్లకు సంబంధించిన మార్చి నెల కోటాను 21న మధ్యాహ్నం 3 గంటలకు ఆన్‌లైన్‌లో అందుబాటులో ఉంచనున్నట్లు పేర్కొంది. మార్చి నెలకు సంబంధించిన అంగప్రదక్షిణం టోకెన్ల కోటాను 23న ఉదయం 10 గంటలకు రిలీజ్ చేయనున్నట్లు చెప్పింది.
శ్రీవాణి ట్రస్టు టికెట్లకు సంబంధించిన మార్చి నెల ఆన్‌లైన్ కోటాను 23న ఉదయం 11 గంటలకు టీటీడీ విడుదల చేయనుంది.మార్చి నెలకు సంబంధించిన ప్రత్యేక ప్రవేశ దర్శన టికెట్ల కోటాను 24న ఉదయం 10 గంటలకు టీటీడీ ఆన్‌లైన్‌లో అందుబాటులో ఉంటాయని టీటీడీ తెలిపింది.
Also Read:‘ఘాటి’…రిలీజ్ డేట్ ఫిక్స్
