హీరో నందమూరి బాలకృష్ణ హోస్ట్‌గా చేస్తోన్న #Unstoppable షోకు యంగ్ రెబల్ స్టార్ ప్రభాస్.. గోపీచంద్‌లు అతిథులుగా విచ్చేసిన ఎపిసోడ్ గురించి కీలక అప్డేట్ వచ్చేసింది. ఈ ఎపిసోడ్‌లో కంటెంట్ బాగుండటంతో ఎడిట్ చేసేందుకు ఎవరూ ఒప్పుకోవట్లేదు. అందుకే ఈ ఎపిసోడ్ ను 2 భాగాలుగా చేసి.. విడుదల చేయనున్నట్టు ఆహా ప్రకటించింది. ఫస్ట్ పార్ట్ డిసెంబర్ 30న.. రెండో పార్ట్ జనవరి 6న రిలీజ్ కానున్నాయి. ఇక ఈ ఎపిసోడ్ పార్ట్-1కి సంబంధించిన ప్రోమోను ఇప్పటికే విడుదల చేశారు.
ఇందులో ప్రభాస్ మాయలో పడిపోయా అంటూ బాలయ్య చెప్పుకొచ్చాడు. ఒకే హీరోయిన్ గురించి ప్రభాస్, గోపీచంద్ గొడవపడటం, పెళ్లి గురించి బాలయ్య ఆరా తీయడం.. తెలివిగా ప్రభాస్ తప్పించుకోవడం చూసి ఫ్యాన్స్ సంబర పడిపోతున్నారు. మొత్తానికి బాలయ్య – ప్రభాస్ మధ్య ముచ్చట్లు చాలా ఇంట్రెస్ట్ గా సాగాయి. ముఖ్యంగా ప్రభాస్, బాలయ్య ముందు గౌరవంగా ఒదిగిపోయిన విధానం ప్రేక్షకులను సైతం ఎంతగానో ఆకట్టుకుంటుంది.
పైగా ప్రభాస్ తో పాటు మధ్యలో గోపీచంద్ అల్లరి కూడా బాగా అలరించింది. మొత్తమ్మీద బాలకృష్ణ హోస్ట్‌గా వ్యవహరిస్తున్న అన్‌స్టాపబుల్-2 ఇండియాలోనే బిగ్గెస్ట్ హిట్ గా నిలవడం నిజంగా విశేషమే. పైపెచ్చు ఈ షో కి పవర్ స్టార్ పవన్ కళ్యాణ్ కూడా వస్తున్నాడు. ఆల్ రెడీ పవన్ ఎపిసోడ్ ను షూట్ కూడా చేసేశారు.
ఏ రకంగా చూసుకున్నా పవన్ ఎపిసోడ్ సరికొత్త రికార్డ్స్ ను సృష్టించడం ఖాయంగా కనిపిస్తోంది. అన్నట్టు ప్రభాస్ ఎపిసోడ్ లాగే, పవన్ ఎపిసోడ్‌ను కూడా రెండు పార్టులుగా స్ట్రీమింగ్ చేస్తారేమో చూడాలి.
ఇవి కూడా చదవండి…
