గ్రేటర్ హైదరబాద్ మున్సిపల్ కార్పోరేషన్ (జిహెచ్ఎంసి) ట్విట్టర్ లో రికార్డు సృష్టించింది. సోషల్ మీడియాలో గ్రేటర్ హైదరాబాద్ నగర పాలక సంస్థకు ఉన్నంత ఫాలోయింగ్ దేశంలో మరే నగర పాలక సంస్థకు లేదు. ట్విట్టర్ లో అత్యధిక ఫాలోవర్లు ఉన్న కార్పొరేషన్ గా రికార్డు సృష్టించింది. ట్వీట్టర్ ఖాతాను 1,61,08 మంది ఫాలోఅవుతున్నారు. అహ్మదాబాద్ కార్పొరేషన్ ట్విట్టర్ పేజీకి 40,100 మంది, బెంగళూరు కార్పొరేషన్ కు 26,800 మంది ఫాలోవర్లు ఉన్నారు.
ఈ క్రమంలోనే జిహెచ్ఎంసి కమిషనర్ ట్విట్టర్ ఖాతాను కూడా 55,400 మంది ఫాలో అవుతున్నారని అధికారులు చెప్పారు. నగర మేయర్ బొంతు రామ్మోహన్ ను 44,600 మంది, డిప్యూటీ మేయర్ బాబా ఫసియుద్దీన్ ను 15,800 మంది ట్విట్టర్ లో ఫాలో అవుతున్నారని అధికారులు వెల్లడించారు.
ట్విట్టర్ వేదికగా వస్తున్న ఫిర్యాదులు వెంటవెంటనే పరిష్కరిస్తుండడంతో ఫాలోవర్ల సంఖ్య పెరుగుతోందని అధికారులు చెప్పారు. అలాగే జీహెచ్ఎంసీ చేపట్టిన వాల్ ఆఫ్ కైండ్నెస్, పార్కులోని పెయింటింగ్స్, మాన్సూన్ ఎమర్జెన్సీ టీమ్స్, కాల్సెంటర్లు తదితర వాటిని ఎక్కువ మంది వీక్షించారు. మరోవైపు, మై జీహెచ్ఎంసీ యాప్ను డౌన్లోడ్ చేసుకున్న వారి సంఖ్య 2,17,886కు చేరుకోవడం మరో విశేషంగా చెప్పవచ్చు..