డా. మోహన్ బాబు ప్రధాన పాత్ర లో మదన్ దర్శకత్వంలో తెరకెక్కిన సినిమా ‘గాయత్రి’. ఫిబ్రవరి 9 న సినిమా ప్రేక్షకుల ముందుకు శ్రీ లక్ష్మి ప్రసన్న పిక్చర్స్ పై మోహన్ బాబు నిర్మాతగా అరియానా, వివియానా మరియు విద్యా నిర్వాణ సమర్పిస్తున్నారు. ఇప్పటివరకు సినిమా నటీనటులను పరిచయం చేస్తూ విడుదల చేసిన పోస్టర్స్‌కు మంచి స్పందన వచ్చింది.
తాజాగా చిత్ర ఆడియో,ట్రైలర్ డేట్‌ని ఖరారు చేశారు. ఈ నెల 28న సినిమా ఆడియో లాంచ్‌,థ్రియేట్రికల్ ట్రైలర్‌ను విడుదల చేస్తున్నట్లు పోస్టర్‌ని విడుదల చేశారు. ఈ పోస్టర్‌లో మంచు విష్ణు దండం పెడుతున్నట్లు ఉండగా మోహన్ బాబు యాంగ్రీమేన్‌గా ఆకట్టుకున్నాడు. విష్ణు సరసన శ్రియ హీరోయిన్‌గా నటిస్తుండగా నిఖిలా విమల్,బ్రహ్మానందం,అనసూయ ప్రధానపాత్రల్లో కనిపించనున్నారు.
సాంకేతిక వర్గం:కథ-మాటలు: డైమండ్ రత్న బాబు,సంగీతం: ఎస్.ఎస్.తమన్, ఛాయాగ్రహకుడు: సర్వేశ్ మురారి, ఆర్ట్: చిన్న, ఎడిటర్: ఎంఆర్ వర్మ, ఫైట్స్: కనల్ కణ్ణన్, కొరియోగ్రఫీ: ప్రేమ్ రక్షిత్, గణేష్ ఆచార్య,కో-డైరెక్టర్స్: అనిల్ కుమార్ కె.వి.ఎస్.ఎన్,రవి బయ్యవరపు,కో-రైటర్: రవి బయ్యవరపు,ఎగ్జిక్యూటివ్ నిర్మాత: విజయకుమార్.ఆర్,నిర్మాత: డా. మోహన్ బాబు యమ్, దర్శకత్వం: మదన్ రామిగాని
