మానవ జీవితంలో స్నేహం అనేది ఒక అమూల్యమైన బంధం. అయితే, నేటి ఆధునిక యుగంలో, ముఖ్యంగా సోషల్ మీడియా ప్రభావం పెరిగిన తర్వాత, నిజమైన స్నేహ బంధాలు క్రమంగా తగ్గిపోతున్నాయి. ఒకప్పుడు స్నేహితులు నేరుగా కలుసుకునేవారు, కష్టసుఖాలు పంచుకునేవారు. కానీ ఇప్పుడు, సాంకేతిక పరిజ్ఞానం (టెక్నాలజీ) పెరగడంతో, బంధాలు వర్చువల్ (Virtual) ప్రపంచానికి పరిమితం అవుతున్నాయి. ఫోన్లు, చాట్లు, సోషల్ మీడియా వల్ల పరిచయాలు పెరుగుతున్నా, వ్యక్తిగత అనుబంధాలు మరియు భావోద్వేగ అనుభూతి లోపిస్తున్నాయి. దీనివల్ల వ్యక్తుల మధ్య దూరం పెరుగుతోంది.
డబ్బు సంపాదించాలనే తపన, పని ఒత్తిడి కారణంగా స్నేహితులతో గడపడానికి సమయం దొరకడం లేదు. చిన్న చిన్న సమస్యలకే బంధాలు తెగిపోతున్నాయి. పాతకాలం నాటి ఓర్పు, క్షమించే గుణం తగ్గిపోవడంతో స్నేహాలు ఎక్కువ కాలం నిలబడడం లేదు. హార్వర్డ్ బిజినెస్ ప్రచురించిన తాజా ఆర్టికల్ ప్రస్తుతం జరుగుతున్న సామాజిక మార్పులను అచ్చం ప్రతిబింబిస్తోంది. ప్రపంచవ్యాప్తంగా స్నేహ బంధాలు వేగంగా తగ్గిపోతున్నాయి. దీన్నే నిపుణులు Friendship Recession అని పిలుస్తున్నారు.
()1990తో పోల్చితే, అమెరికాలో “నాకు సన్నిహిత స్నేహితులు లేరు” అని చెప్పే వారి సంఖ్య నాలుగు రెట్లు పెరిగి 12%కి చేరింది. అలాగే సన్నిహిత స్నేహితులు ఉన్నవారి సంఖ్య ఒక మూడవ వంతు తగ్గిపోయింది. ఇదే పరిస్థితి భారతదేశ పట్టణాల్లో కూడా కనిపిస్తోంది. పరిచయాలు పెరుగుతున్నా, నిజమైన స్నేహాలు తగ్గిపోతున్నాయి.
ఒకప్పుడు కేఫేలు, క్లబ్బులు, ఈవెంట్లలో అన్యులతో కూడా మాటలు కలుపుతుండేవారు. ఇప్పుడు మాత్రం జనం మధ్యలో ఉన్నా ఒంటరితనం వేధిస్తోంది. అమెరికాలో ఒంటరిగా భోజనం చేసే వారి సంఖ్య రెండు సంవత్సరాల్లో 29% పెరిగింది.స్టాన్ఫోర్డ్ యూనివర్శిటీ కూడా స్నేహంపై ప్రత్యేక కోర్సును ప్రారంభించింది.ఇది సామాజిక సమస్య మాత్రమే కాదు, సాంస్కృతిక పరిణామం కూడా.స్నేహితులకు సమయం కేటాయించడం ఇక వైకల్యమైన విలాసం కాదు—అత్యవసరం.
ఒంటరితనం ఒక అలవాటుగా మారుతోంది. స్నేహాన్ని నిర్లక్ష్యం చేస్తే, కొత్తవాళ్లను మాత్రమే కాదు, పాత బంధాలనూ కోల్పోతాం.ఒంటరితనం హృదయ రోగాలు, డిమెన్షియా, అకాల మరణం ప్రమాదాన్ని పెంచుతుంది. రోజుకు 15 సిగరెట్లు పొగ త్రాగినంత హానికరం.స్నేహం మన మానసిక, శారీరక, భావోద్వేగ ఆరోగ్యానికి కీలకం.
Also Read:మోనాలిసా.. ‘లైఫ్’ మొదటి షెడ్యూల్
హార్వర్డ్ 80 ఏళ్ల అధ్యయనం ప్రకారం, నిజమైన ఆనందం, ఆరోగ్య రహస్యం సన్నిహిత సంబంధాలు.డబ్బు సంపాదించవచ్చు, స్థాయి మారవచ్చు, కానీ ఎలాంటి పరిస్థితుల్లోనూ తోడు నిలిచే స్నేహితుడు అమూల్యం.స్నేహం అన్న సంపద ఎప్పటికీ తరుగదు.
అందుకే పరిచయాలతో సరిపెట్టుకోకుండా, నిజమైన స్నేహాలకు విలువ ఇవ్వాలి.స్నేహితులను పరిరక్షించండి—సమయం కేటాయించండి, క్షమించండి, జ్ఞాపకాలు సృష్టించండి. నిజమైన స్నేహితులు ఉంటే జీవితం మరింత అందంగా మారుతుంది.