టబు.. పేరు విన‌గానే ఎన్నో హిట్ చిత్రాలు గుర్తొస్తాయి. నిన్నే పెళ్లాడ‌తా, కూలీ నెంబ‌ర్ 1 చిత్రాల్లో టబు సోయ‌గాలకు ఫిదా అయిపోయారు. చిరంజీవి, నాగార్జున, బాలకృష్ణ, వెంకటేష్‌ తదితర అగ్రహీరోల సరసన నటించింది టబు. ఆ త‌ర‌వాత బాలీవుడ్‌లోనూ అదే హ‌వా చూపించింది. టబును అప్పట్లో బాలీవుడ్ నటి అన్నారంతా. కానీ టాలీవుడ్ లో కూడా చేసి, నేను ఏ లాంగ్వేజ్ లో అయినా హిట్ అవుతాను అని ప్రూవ్ చేసుకుంది.
టబూ ఫిట్ నెస్ నేటికీ తగ్గలేదు. ఆమె ఇప్పటికీ తళుకులీనుతూనే ఉంది. అయితే ఇన్నాళ్ళ కెరీర్ లో డబ్బు కోసం ఎప్పుడూ పనిచేయ లేదని అంటుంది టబు, ఇప్పటివరకు నాకు వచ్చిన పాత్రల్లో అన్నీ మంచివే. . ఓ సినిమా ఒప్పుకునే ముందు నాకు డబ్బు వస్తుందా లేదా అన్నది మాత్రమే ఆలోచిస్తా. అది చాలా ముఖ్యం. డబ్బు ఇస్తున్నారు కదా అని ఏది పడితే అది చేయను. ఆవిషయంలో ఎవ్వరికీ భయపడను’ అని చెప్పుకొచ్చింది టబు.
